[Tlhingan-hol] nuq bop bom: 'ay' cha'vatlh Hut: yel qa'meH vItlhegh

[ghunchu'wI' 'utlh]

On Jun 7, 2012, at 2:34 AM, Qov <robyn at flyingstart.ca> wrote:

> 209: yel qa'meH vIttlhegh

nuq ghajqa'nIS yelwIyyIt? nov ghobchaj. potlhbe' quvna'.

> vaytaH Mossam. qabDaj mup 'eSSIm, ghIq 'eSSIm yoymoH Mossam.

SuvmeH laHDaj vIHo'.

> 'eSSIm HughDaq 'uy Mossam qIv 'ej taj lellI' Mossam ghop. yel Hol jachchoH Mahoun.
>
> jatlh Qa'bar, "Dachaghbe'chugh vaj bIHegh." Mossam nachDaq nISwI'Daj QeqtaH Qa'bar 'e' tlhoj 'eSSIm. tlhoj je Mossam.

nISwI' mughnISbe'lu'.

> QIt ravDaq taj lan.

'eSSIm jeybejta' Mossam. munmo' Qa'bar HoHrup 'e' wISovbe'.

> 'eSSImvo' Mossam luH Qa'bar. pe'vIl ravDaq 'uy, 'ej Mossam yu'choH.
>
> jatlh Mossam, "ghobey! Farsajii HungpIn jIH. ghobey! vInol 'ey ghach 'awa'." ghIq yel Hol jatlhchoH.

morghlaw'. vay' tlhobba' 'ach <nol>Hey vIyajlaHbe'. nuq ta' neH?

> jatlh Mahoun, "SlIngan Hol jaSbe'. DoSchmeyvetlh neH jaSla' 'ej 'op qaw'a'."

'op jatlhHa' je Mahoun. tlhaQ.

> ruq Mahoun 'ej HaghchoH. nom yel Hol jatlhchoH Mossam. jatlh Mahoun, "SImughme' Sloy SISech. cheS. che'ech." jatlhmeH tlhoy chech Mahoun.

QIchDaj qarmoH 'e' nIDmo' SengDaj vItIvqu'taH.

> qama' yeb mIrmey qeng Mossam. ghaHDaq ngaQmoHta' Qa'bar 'ej ngaQHa'moHwI' nge'. DaH ravDaq QottaHmo' cha' yelwIyyItnganpu' chon QaQ rur.[257]

chaq tlhoy' 'IHmoHlaH DIr SuD.

> jatlhtaH Mossam, qoy'law'. mughwI' jan laghHa'choH 'eSSIm 'a rInpa' Qu', Mossam mu'mey ghovchoH. tlhIjlI' HungpIn. QIt tlhIj 'ej tlhIjqa'. 'eSSIm pong jatlh je. Qa'barvaD jatlh 'eSSIm, "yel qa'meH vIttlhegh jatlhtaH." jan laghHa'DI' chu' 'ej mu'mey moj Mossam yel Dap.

qechvam vIparHa'. Babel Fish muqawmoH.
http://www.youtube.com/watch?v=1M6qgZeHZ4E

"yel Dap" perlu' 'e' vIparHa' je. (Brussels-Daq De'wI' vIlo'taHvIS
mulegh cha' loDHom Qup. tlhIngan Hol ghItlh vIlaDlI'. mughel wa':
"What is that?" vIjang: "tlhIngan Hol 'oH. Hov leng lutmey boSov'a'?"
Hagh chaH 'ej jatlh loDHom cha'DIch: "You speak rubbish.")

> 'eSSImvaD Qa'barvaD je tlhIjqu'DI' Mossam jatlh, "tlhIngan Hol vIyajbe'chu'. 'eSSIm, cha'Hu' qayajmeH, teSwIjDaq QumwI' mach vI'IjtaH, DaqtaHvIS 'ej mughtaHvIS Mahoun. DaHjaj Mahoun Dotlh Daja'Ha'DI' chotoj 'e' vIpIH. Mahoun vISaHqu'. jIHvaD vavwI' loDnI'wI' ghap rur. vIQannIS. wa'Hu' DuSuchmeH mungep. bIQobqu' ..."

jatlhtaHqu'. yelwIyyIt tIgh 'oHlaw'.

> jatlh Qa'bar, "QobwI' vIngu'nISDI' DujwIjDaq pu' tIH bachwI' vIwIv.

lughchu'!

> 'eSSIm, QIH vInuDtaHvIS QobwI'vam yISeH." MossamvaD ghu' QIj 'eSSIm. ghaqtaHvIS mughwI', Mahoun mu'mey chech, Mossam mu'mey DIv je, yajchuqchoH. Mahoun DeS De' pegh luQIjbe'. DISDaq Hom ghor Mahoun 'ej pa' pe''egh 'e' Har Mossam.

vIt jatlh, 'ach 'op vIt nop. 'eSSImvaD motlhlaw' to'vam.

> 'oy' botmeH HIq nobta'mo' tlhInganpu' pIHba' Mossam 'ach morghbe'.
>
> jatlh Qa'bar, "naQ Som 'ach SeHmeH bobcho' QIHqu'law'pu' pu' tIH. 'op patmey naw'laHbe'."

puvmeH 'ut'a' patmey? lutI'lu'meH *veS* SIchlaH'a'?

> jatlh Mahoun, "vIjIl. vchIl. ... 'uch qanop. Huch."
>
> jatlh Qa'bar, "yaSvam yIbIj."

mIn DIl mIn 'ej Ho' DIl Ho', qar'a'?

> qama' mIrmey ngaQHa'moH Qa'bar 'ej MahounvaD nob. jatlh, "Mossam, Mahoun lomqoq DaHIjmeH DujlIj yIrI'. 'IjtaH jaghra'. choyaj'a'?"

jatlhpu' <jaghra'>. qatlh <jaghma'> jatlhbe'? chaq meq vIyaj.
<jaghma'> jatlhchugh tlhIngan, yelwIyyIt jagh Delbejbe'.

-- ghunchu'wI'