[Tlhingan-hol] nuq bop bom: 'ay' cha'vatlh cha'maH wa': ghochlaH

[Qov]

The rebels in the forward bar have just defeated a wave of qImyal's forces.

221
ghochlaH

chobDaq luyov lotlhwI'pu'. tachDaq luvonlu' luneHbe'. chobmeyDaq qet 
ghom, tIqDu'chajDaq meQtaHvIS may' bel, quv bel je. quvbogh yaS puS 
pIlmoH neHpu' neH vajar 'ach qaSlI' QuD. jonwI' choQ lughoSlaw'lI'. 
maj. meH lujonnIS 'ach meH jonta'chugh vay', jonwI'choQ SeHbe'taHvIS, 
ngeplaH jonwI'pu'.

pay' vajar SuchwI' chaw' legh ya 'ay' Sogh. jatlh, "QI'yaH! yIteq! 
yIteq! ghochlaH!" vajar chaw' 'uchchoH 'ej Hota'ro', ghutar je 
chaw'mey Suq je. Qaw'meH ravDaq chagh 'ej bIHDaq nISwI' QeqlI'.

"Qo'," jatlh Hota'ro'. "tojmeH 'eb bIH. chay' lurgh pImDaq 
wIngeHlaH?" yev yaS 'ach jangpa' ghom cholchoH ngIvbogh mang. 
lumerba' Suvrupbogh yaSpu'.

ghom qaDlaHpa' ngIvwI', jatlh ya 'ay' Sogh, "mang, Seng tu'lu''a'?"

jatlh ngIvwI', "'et tachDaq qay'choHlaw'pu' lopno' vID, 'ach SeHmeH 
ghoSlI' Hung, qaH."

jatlh Sogh, "maj. SoHvaD Qu' vInob." Qamqu' mang. ngaSwI' mach Sam 
yaS 'ej 'oHDaq chaw'mey lan. mangvaD nob. jatlh, "meHDaq torghvaD 
yInob, 'ach meH DaghoSpa' ..." Dochmey SuqmeH, Sojpa', mang Qongpa', 
latlh ghochmey Qat je ghoSnIS mang 'e' per Sogh. jatlh, "pavbe'. 
Qu'meylIj tIqaghQo'. meH Da'el net tuchchugh vaj pa' SumDaq tIlan. 
SamlaH torgh." tlheDpu'DI' ngIvwI' ghoSqa' ghom. ghaytan jIvbe' 
ngIvwI' veb 'ej 'omchoH.

jatlh vajar, "retlhejHa'nISchoH. nughovbe'law'pu' mangvetlh 'ach 
lotlhmo' lopno'wIj'e' net Sovmo' wIghovlu'DI' qay'. He pIm, ghoch pIm 
ghap wIghoSnIS."

jatlh ghutar, "nIch pa', lupDujHom choQ ghap wIjonlaH."

jatlh Sogh, "ghotlhejtaH. Sumobchugh Suwun. lIjonchugh Sa' wIquvHa'lu'."

"Qo'!" jatlh vajar. "tlhIngan maH. maHegh wIjonlu'pa'. Heghlu'meH QaQ 
jajvam." vajar tIqDaq 'Ilchu' mu'meyDaj. Qu'vamvaD Heghrupchu'. 
HeghDajmo' Dujvam quv cherqa'laHchugh, vaj tlhIngan wo' HubtaHvIS Heghbej.
---
SKI: The presence of vajar must not jeopardize the rebellion.