[Tlhingan-hol] nuq bop bom: 'ay' cha'vatlh Soch: puqloDwI' HoHta'

[ghunchu'wI' 'utlh]

On Mon, Jun 4, 2012 at 11:09 AM, Qov <robyn at flyingstart.ca> wrote:
> tagh ta wejDIch. bIghHa'Daq SaHtaHvIS Mahoun--'eSSIm Mahoun--ghIq latlh
> Mahoun[308]--yaS wa'DIch--luqem 'avwI'pu' rap. poStaH yaS wa'DIch mInDu'
> 'ach chImlaw' yab. bol.

(nIj nuj)

> mej Qa'bar puqloD. 'el qImyal Sogh. 'avwI'vaD jatlh.
> wabmey luqonbe'lu'pu'. Qoch 'avwI' 'ach jatlhtaH qImyal 'ej tagha'
> Qochbe'law'. mej qImyal. qama' voQmeH 'avwI', chIch Soj yIQ lo'. voQlI'bogh
> qama' QaH 'e' nID Mahoun 'ach luj.

'ay' law' ret (?!) Farsajii HungpInvaD QeDpInvaD je wanI' Delta'. jaS
Delta'; 'op ramlaw'bogh ngoDHommey cha'be'law' ta. nop'a' ta? nop'a'
lut qonwI'?

> Mahoun tlhap Qa'bar puqloD, latlh 'avwI'
> je, tlhejtaHvIS qImyal. ghIq chobmeyDaq Hung ta puS rarta'mo' tarven,
> Serchaj cha'lu'. yu'wI' pa' vagh lu'el. DaH HaSta bIngDaq qonwI' mI' cha'lu'
> 'ach Daq ngu'meH <yu'wI' pa' vagh> cha'lu'be'. Daq ngu' <leH> . loQ qonwI'
> QeqHa'lu'mo' wanHa' mIllogh.

taH'a'? :-P

> pa' tlhop cha'be'. pa' 'emDaq Mahoun luchagh
> 'avwI'pu'.

By my reckoning, {pa' tlhop} and {pa' 'em} are outside the room. Maybe
{pa' mIch Sum} and {pa' mIch Hop}, or {lojmIt retlh} and {tlhoy' Hop
retlh}?

> ravDaq QotchoH. nuDmeH joD qImyal. jatlh, "nonchoHlaw' qama'vam
> DeSDu'." leghmeH joDDI' wa' 'avwI', DoH qImyal. HIpDaj volchaH lISlaw'lI'.
> ghIq pe'vIl Qa'bar puqloD Hugh mup qImyal DeSqIv. wab lIngchugh loD So'
> qImyal, tuSDI'. pumtaHvIS Qa'bar puqloD tlhe'choH latlh 'avwI' 'ach
> jachlaHpa' HughDaj mupqu'ta' qImyal ro'. tuSqa'.[309]

Doq bIQtIq bIQ.

> joD qImyal 'ej 'avwI'pu' nuD, ghIq jatlh, "wewbe' Hung qonwI'. chamwI'
> vISamlI'."

jaqqu' chotwI'na'vam.

> jatlh 'e' nIDlaw' Qa'bar 'ach jatDaj roSHa'moHpu' QeH'a'. raSDaq maHpIn qIp.
> yoychoH 'ej qagh Qop ghomHa'moH . Mahoun qIpDI' 'op, vIng 'ej So''egh.
> maHpIn qIpqu'qa' Qa'bar. mu'qaDmey jachmeH QapchoH ghoghDaj. maHpIn baS
> beQmoH ghIq jaDqu'. pe'vIl Som poS mupDI' Suplaw'

qatlh <poS> Dachel? vIyajbejbe'. "The hull's left side" DaDel'a'? "The
open hull" DaDel'a'?

> ghIq meHDaq SeHlaw mupDI'
> ravDaq pum. ba'choH Qa'bar, mu'qaDmey jatlhtaHvIS.

ravDaq pum maHpIn beQ. quSDaq pum Qa'bar QeH.

> ta cha'taH HaSta. bIghHa' ravDaq Qa'bar puqloD chollI' Mahoun. yInlaw'taH
> 'avwI' 'ach tlhuHlaHbe'mo' nom HeghlI'. 'avwI' woS pep Mahoun 'ej ghaHvaD
> jatlhlaw'. <Sotchugh vay' vIQaH> jatlhpu' Mahoun 'e' qaw 'eSSIm[246]. Qa'bar
> puqloD QaHlaHbe' Mahoun. ravDaq Hegh.

wanI'vetlh Delpu' Mahoun 'e' vIqawbe'.

> latlh tamey lutu'lu'. mIgh qImyal ''e

<'e'> ghItlhHa'lu'

> lu'agh Hoch. voDleH pong tIch. qeylIS
> qechmey vaq.

tlhIngan quv DatIchDI' Seng yIghuH...'ach tlhIngan quv ghaHbe' qImyal'e'.

> jatlhqa' tarven, "wejHu' De' vIngeHta'bogh Sam qImyal Sogh.
> latlh Hung ta loHwI' pumta' 'ej joy'ta'. negh vIQanmeH DaH qabwIj vI'ang.
> DaH ta law' vIqonta' 'ej vIngeH 'e' vInID. DuSIch wa' 'e' vItul 'ach
> law'mo', wa' Sambej qImyal Sogh. vIjoy'lu'pa' Hoch ta Daq vI'angbe'meH
> jIHoH'eghnIS. tlhIngan wo' quvvaD jIquvHa''eghnIS." van tarven 'ej qonwI'
> chu'Ha'.

<tlhIngan wo' quvvaD jIquvHa''eghnIS> jatlh 'ej van. batlhDaj tob.
nuqDaq 'oHtaH puvbogh targh'e'?

vIt Sovrup 'eSSIm SoS, 'e' vISIv.

> Qa'bar De'wI'Daq De' polta' 'eSSIm ghIq mughwI'vo' De' 'aplo mach
> lel.

vavDaj mu'mey Qav pol.


Hu'tegh! mujon qech wIHqu'. law' tamey. Dujvo' lulablu'pu'be', chaq
'e' 'ollaH qImyal. vaj DujDaq bIHtaH Hoch'e'. Duj Qaw'chugh, tamey
Qaw'. baQa'!

-- ghunchu'wI'