[Tlhingan-hol] nuq bop bom: 'ay' cha'vatlh wa'maH vagh: mInDu' tIbej

[Qov]

ghutar discoverd that the fight was preceded by be'tlhar declaring to 
her superior that an officer's duty to the ship includes the duty to 
challenge a superior who is not doing their duty.

215: mInDu' tIbej

jatlh vajar, "nuq ta'Ha'pu' HungpIn?"

jatlh ghutar, "qonpu'be' Hung ta vIleghpu'bogh. Sovchu' pagh, 'ach 
SaH joSmey. qImyal Sa'vaD Hoch De' potlh ja'taHbe' HungpIn. QuSwI'pu' 
pegh. jatlhlaw' ya, QuSwI'pu' boQlI'. Sa' toy'chu'be'." mIS vajar. 
be'tlhar yajHa'pu''a'? qImyal quvHa'ghachmo' lotlhqanglaw'pu' 
be'tlhar. ghaHvaD quv potlh law' qImyal potlh puS. qatlh rurlaw'bogh 
HungpIn toy'qangbe'? jaS qalpu''a' HungpIn? vajar mISchoHghach legh 
ghutar. tamqu'choH ghutar ghogh. jatlh, "tlhochbogh joS tu'lu' je. 
<moch ngoy'Ha' HoHnIS yaS> jatlhDI' be'tlhar, be'tlhar Qu' Delbe'. 
HungpIn Qu' Del."

tlhoS jatlh vajar <'ach qImyal ghaH HungpIn moch'e'>, 'ach 
jatlhnISlu'be'. jatlh, "Qat'a' joSvetlh?"

jatlh ghutar, "Qatqu'. 'eyqu' tlhImqaHvam. roghlu'chu'pu'." qaStaHvIS 
tup puS Soj lubuS.

ghu' qeltaHvIS vajar, qImyal Sa' cha'choH HaSta. jatlh Sa', "DaHjaj 
maghwI' HoHmeH Heghpu' be'tlhar la'."

HungpIn HeSmeyqoq Sar Del qImyal, ghIq HungpIn chu' much. loD ghovbe' 
vajar. lIHlu'pu'DI' wa' mu' neH jatlh, "peDugh." rIn jabbI'ID.

De' chu'mo' chuSchoH Sojpa'. jatlh ghutar, "HungpIn gheS ghaH net 
pIH. qImyalvaD matlhqu'law'. ghaH Such be'tlhar, HungpIn qaDpa'." 
SojDaj yIvtaH ghutar ghIq jatlh, "tlhachmey vIngu' 'e' Dara'. qalmo' 
HungpIn, HoH be'tlhar 'e' Har wa'." latlh tlhach Delbe' ghutar, 'ach 
yaj vajar. qImyal HoHQo'mo' HungpIn, qaDta' be'tlhar 'e' luHar 'op 
nuv. jatlh ghutar, "Hung 'ay'Daq lotlhruplaw' HochHom 'ach chIDqang 
pagh. quv 'angvIptaH. ya 'ay'Daq qImyalvaD matlhlaw'taH nuv law'. 
DuHbe' DIch. jatlhtaHvIS nuvpu' mInDu' Dabejqu'chugh chaq DaloylaH." 
be'tlhar mInDu' poS qaw vajar. nuq jatlhpu' Heghpa'?

po nIQDaq SaH Hotaro'. lujpu'. gharon Sampu' Hota'ro' 'ach 
quvHa''eghpu' 'e' temqu' gharon. qImyal Sa' QaS le' toy'. batlhHa' 
HeghnIS vay' 'e' HarDI' qImyal ghaytan QaS le'Dajmo' qaS. Hota'ro' 
luleghDI' gharon, qochpu'Daj je, Hota'ro' luvaq. DujDaq lotlhrup nuv 
'op 'ej boQqangchu' 'ach QaHbe'bej gharon.

jonwI'pu' 'ay'Daq lotlhwI' joSmey luQoylu' 'ach tamqu'. QuD DevwI' 
gheSqang vajar 'e' wuqnIS. nuHmeychaj bochmoHmeH pa'meyraj ghoS. 
lopno'Daq nuHmey 'IH much 'e' tIv tlhIngan.
----
SKI: A number of people on the ship may be ready to rebel, but they 
don't dare identify themselves.