[Tlhingan-hol] nuq bop bom: 'ay' wa'vatlh HutmaH vagh: maghwI' Sep maghwI'

[ghunchu'wI' 'utlh]

On Mon, May 21, 2012 at 12:42 AM, Qov <robyn at flyingstart.ca> wrote:
> maghwI' Sep maghwI'
>
> bIQtIq Donbogh He Sam 'eSSIm. naDev letmo' yav, ghItlhbe' DaSmey.

Do'. 'ach nuqDaq ghoSlaH?

> ngemvo'
> ghoSpu' 'eSSIm 'e' leghlaHbe'meH ghochwI', DaSmeyDajvo' lam teq 'eSSIm, ghIq
> He ghoSlI'meH naghmey tIn neH gho'lI'.

jIyaj. ghaH SamDI' nejbogh negh, mungDaj ghochlu' 'e' QatlhmoH. Mahoun Daq pegh.

> nejwI'pu' ghoghmey Qoyqa' 'eSSIm.
> 'eSSIm He jojDaq latlh nagh tIn tu'lu'be'mo' He SIchmeH Supqu' 'eSSIm.
> SaqDI' gho'Ha'qu'. Hevo' pum. qojvo' pumbe'meH tI, naghmey je 'uchqu'.

<He jojDaq> vIyajbe'pu' 'ach DaH vIyajchoH. qoj HeHDaq 'oHtaH bIQtIq HeDon.

> pumtaHvIS nItlhDu' tey nagh ghegh

loQ rIQ 'eSSIm ghop. jIyon.

> 'ej yavvo' 'op tI luH ghopDu'Daj. pagh
> HotlaH qamDu'Daj. qoj bIng HopDaq naghmey jej, bIQtIq jaQ je lutu'lu' 'e'
> Sov 'eSSIm. chorDaj bIngDaq charmo' lam, ghIrchoH.

va, bIQtIq qaDqa''a'?

> lavHom ngaD Sam
> ghopDu'Daj. qamDu'vaD Daq SammeH pup 'ej nogh 'ach 'uchlaH ghopDu' neH.
> toSmeH DuvnIS wa' ghop 'ach luQutlhlaHbe'mo' HuStaHbogh'uSDu',

cha' mu'meyvam tIchev.

> DuvmeH wa'
> ghop, luHqu'nIS latlh. DeSDaj Doy' luHmoHmeH buSqu' 'eSSIm.

Qopbe'taHvIS not bup tlhInganna'.

> ghIchDaj tlhop bejtaHvIS 'eSSIm, cha'neHDaj 'uchchoH vay'. nachDaj pepDI'
> 'eSSIm, tlhIngan mang Qup legh.

yay'!

> HoHlI' pagh toDlI'?[216]

ghellaw'taHvIS mu'tlhegh ghelbe' pabvam 'e' vIpar. "?" Danopchugh
vImaS. laD'a' latlhpu'? vuDmey Sar vIQoy vIneH.

> SovlaHbe' 'eSSIm.
> 'omlaHbe'. taj lellaHbe'. wunchu' 'eSSIm.

Hub'eghrupHa'. :-P

> latlh DeS 'uchchoH latlh mang.
> lupep 'ej qoj yorDaq lulan. yavDaq QottaH 'eSSIm. lamchu'. yIQchu'. Doy'ba'.
> nItlhDu' rIQmoHpu' naghmey 'ej DIr teypu'. "qojvetlh toSta''a'?" jatlh mang
> yay'. bIng bejmeH qoj HeH chol mang wejDIch.

Daj qech.

> SaH loS negh. tlhuH Suqqa'taHvIS 'eSSIm, nuDlI' mang loSDIch. nuHmey nge'be'
> 'ach Dat loQ 'uy. rIQqu'be' 'eSSIm 'e' 'ol. 'eSSIm tlhe'ta'. DaH QottaH 'ej
> Dung bej. "SIqwI'wIj yIbej," jatlh mang 'ej SIqwI' nechmoH. lutlha' 'eSSIm
> mInDu'. "maj. tlhIngan SoH," jatlh mang, 'ej 'eSSIm volchaH qIp tochDaj.

tlhIngan ngeb lutu' 'e' lupIH'a'?

> ghaytan che'ronDaq pIj negh rIQ nuDta' mangvetlh. *veS* QelHom Degh cha'taH
> HIpDaj.

wa' Qel voqpu' 'eSSIm. quv'a' latlh?

> QI' vuvqu' 'eSSIm 'ach bIQtIqDaq 'eSSIm pummoHta' 'ej Mahoun quchta'
> 'e' nID.

nISwI' qengtaH'a' neghvam? chaq pIm ghom.

> "nuqDaq Mahoun?" jatlh bu'.[251]

toH, pImbe'law'.

> Mahoun QanmeH 'eSSIm, tlhIngan Sa' tojqang.
> qechvetlh chIDvIp. chaq qar tlhIngan QI'. chaq reH wo' maghqang maghwI'
> puqbe'. 'ach Mahoun QannIS 'eSSIm. jangbe'.

nepbe'meH chaq jatlhbe'laH. jatlhlaHbe', chaq 'e' ghetlaH.

> "nuqDaq ghaH?" jatlh bu'.

vItlaH je: bIQDaq lonta'.

-- ghunchu'wI'