[Tlhingan-hol] nuq bop bom: 'ay' wa'vatlh HutmaH cha': Haw'be' tlhIngan

[Robyn Stewart]

At 13:43 '?????' 6/5/2012, you wrote:
>On Fri, May 18, 2012 at 12:38 PM, Qov <robyn at flyingstart.ca> wrote:
> > 192: Haw'be' tlhIngan
>
>vaj lulIghvo' Haw'be' 'ej DISDaq ratlhtaHvIS yon'a'? ghaytan qay'choH muD.

qabItmoHbe' 'ay'vam'e' jIQuch. pIj qaloSmoH 'ach DaHjaj bIDo'.

> > DIS lunuDchoH. DInvo' SaltaH yav. QamchoHlaH 'ach Dat HuSmo' nagh 'etlhmey,
>
>jej'a'? jeqqIj jejHa' rur HuSbogh nagh vISovbogh.

jejqu'be' 'ach let 'ej ngeQchugh nach 'oy'moH.

> > ngeQbe'meH HojnIS. ravvo' jeqtaH nagh 'etlhmey puS 'ach bIH mach law'
> > HuSwI'mey mach puS. DopmeyDaq ghomchuqpu'mo' 'op nagh 'etlhmey, chenpu'
> > tutmey. wa' 'uj'a' juch DIS. Qopbe' muD. Dungvo' 'eltaH bIQ vaj pa'
> > 'ellaw'taH je muD.
>
>maj. lojchoH yInSIp 'e' vIHajnISbe'.

wa'logh nuvpu'wI' buQpu' muD SuQ. vIta'qa' 'e' vIHechbe'.

> > jatlh Mahoun, "qaStaHvIS jaj 'ar nunejtaH 'e' DaQub?"
> > jatlh 'eSSIm, "loSqu'be' may'Duj. 'aqroS wej."
>
>weyvaD bID jaj leSpoH neH chaw'lu'. cheghDI' DujDaq loSqu'nISlaw'.

leSpoH poH Sovbe' 'eSSIm. loy neH. chaq muj.

> > jatlh Mahoun, "vaj qaStaHvIS loS jaj, naDev maratlhtaH.
>
>jajmey toghmeH DIS Hur leghnIS'a'? ghaytan tlhaq ghajtaH 'a bIQ jaQ SIQpu'.

bIlugh. wej Sengvetlh luqel.

>wovmoHlaH'a' pagh luqengbogh?

ghajpu'chugh Qaw'pu' bIQ.

> > wutlhDaq maHtaHmo'
> > nutu'laHbe' HotlhwI'mey. maghungchoH 'ach mayIntaH. mejpu'DI' tlhIngan Duj,
> > wInarghlaH. wa'leS chegh Farsajii 'ej qaStaHvIS Hogh munejbejtaH. nuSamDI'
> > nutoD 'ej jutlhejlaH."
>
>nap nab: loS. vangQo'. toD pIH.

Mahoun nab 'oH.

> > wej DIS megh'an lutu'pu' 'ach yavDaq QotchoH Mahoun. pay' Mahoun yeb tajvaj
> > muj qaw 'eSSIm. bIQ HajtaHmo' 'eSSIm, Mahoun Sengmey lIjchu'pu'.
>
>vIlIjchu'pu' je. bepbe'pu' loDvetlh yoH.

vIq bopbe'DI' chach thIbHa' ghaH.

> > Mahoun DeS
> > 'uchchoH 'eSSIm 'ej yeb lunuD nItlhDu'Daj. motlhlaw'. loQ SIHmoH 'eSSIm.
> > vIngbe' Mahoun.
> >
> > "ghorlu'be'law'," jatlh 'eSSIm.
>
>mer.
>
> > "pIv ghopvetlh. 'oy'taH latlh'e'.
>
>merHa'. tlhaQ ghaH.
>
> >'oy'be'wI' DaHot 'e' vImaS. 'oy'
> > vISIQlaH," jatlh Mahoun.
>
>nuch puj ghaHbe'bej.
> > Mahoun nab qel 'eSSIm. gharben cha'Daq Dunbe'
> > 'eSSIm yIn. mIDvam lonqang. not qorDu' leghqa'chugh ghaytan Quch SoSDaj.
> > 'ach Haw'be' tlhIngan. ghochlaHmo' jagh, jagh jeynIS.
>
>(latlh DuH tu'lu': jagh jagh mojHa'laHchugh, ghochnISbe' jaghqoq.)

Dal pagh jagh.

> > jatlh, "Mahoun,
> > yuQlIjDaq bInoy'a'?"
> >
> > jatlh Mahoun, "tlhIngan qama' jIHpu'mo', wejmaH ben loQ jInoy. DaH
> > malja'wIjmo' vengwIjDaq vISovlu', 'ach jInoybe'. vuDmeywIj vuv nuv law'.
> > vengwIjvaD jInmolmey potlh vIDIlta'. chochovlI''a'? jImIp. be'pu'vaD roD
> > potlh ngoDvetlh."
>
>qechwIj wa'DIch 'oH, 'ach jIQubqa'DI' ngoQHey vIyaj. So''egh neHlaw'.

SoHvaD vIQIjnISbe'. :-)

> > Mahoun mIp qellI'be' 'eSSIm. jatlh 'eSSIm, "pa' nIghochlaH tlhInganpu'."
> >
> > jatlh Mahoun, "Dat mughochlaH. wa'Hu' pov So'Ha'ta' tlhIngan Duj 'e' tu'
> > chIjwI'wI'. *veS* retlhDaq 'oHtaH 'ej bavtaHvIS may'Duj HeDon ghoSchu'.
> > ghoch 'e' nID beqwIj 'ach So'qa'ta'. chaq gharben cha' Saqta'. mughoch 'e'
> > DaHar'a'?"
> >
> > jatlh 'eSSIm, "ghaytan lupDujHom lulegh."
>
>So'wI' lo''a' lupDujHom?

ghaytanHa' 'ach yIn tej ghaH 'eSSIm'e'. lupDujHom po'wI' ghaHbe'.

> > jatlh Mahoun, "ngugh 'e' vIchup, 'ach pIvlob chavlaHbogh Duj 
> mach'e' leghpu'
> > 'e' qap Tiadynsan[283]. vIleghbe'pu', qepDaq jIHtaHmo'."
>
>qepDaq jeSlu'be'chugh, De' lI' Suqlu'be'. qepDaq jeSlu'chugh, De' pIm
>ghojlu'be'. vaj qaSbe'nIS qepmey, 'e' vIchup.

reH qepmey SIQtaH Mahoun.

> > qatlh Mahoun quch neH qImyal Sa'? nger DunHa' tlhoj 'eSSIm. 'eSSIm QIn
> > Hevbe'pu' qImyal. Hevmo' yaS matlhHa', Mahoun'e' lupum QuSwI'pu'. Mahoun
> > qoplu'chugh vaj 'eSSIm lunubmoH 'ej luHup je. pagh chaq jIjQo'mo' Mahoun
> > maghpu' Qugh Qel. MahounvaD ngermeyDaj 'angbe' 'eSSIm.
>
>reH Dat 'urmang leghrup 'eSSIm. chay' buQwI'na' ghovlaH?

qay', qar'a'?

mInDu'lIjmo' jaS lutwIj vIaDqa'laHmo' jIQuch.

- Qov