[Tlhingan-hol] nuq bop bom: 'ay' wa'vatlh HutmaH cha': Haw'be' tlhIngan

[ghunchu'wI' 'utlh]

On Fri, May 18, 2012 at 12:38 PM, Qov <robyn at flyingstart.ca> wrote:
> 192: Haw'be' tlhIngan

vaj lulIghvo' Haw'be' 'ej DISDaq ratlhtaHvIS yon'a'? ghaytan qay'choH muD.

> DIS lunuDchoH. DInvo' SaltaH yav. QamchoHlaH 'ach Dat HuSmo' nagh 'etlhmey,

jej'a'? jeqqIj jejHa' rur HuSbogh nagh vISovbogh.

> ngeQbe'meH HojnIS. ravvo' jeqtaH nagh 'etlhmey puS 'ach bIH mach law'
> HuSwI'mey mach puS. DopmeyDaq ghomchuqpu'mo' 'op nagh 'etlhmey, chenpu'
> tutmey. wa' 'uj'a' juch DIS. Qopbe' muD. Dungvo' 'eltaH bIQ vaj pa'
> 'ellaw'taH je muD.

maj. lojchoH yInSIp 'e' vIHajnISbe'.

> jatlh Mahoun, "qaStaHvIS jaj 'ar nunejtaH 'e' DaQub?"
> jatlh 'eSSIm, "loSqu'be' may'Duj. 'aqroS wej."

weyvaD bID jaj leSpoH neH chaw'lu'. cheghDI' DujDaq loSqu'nISlaw'.

> jatlh Mahoun, "vaj qaStaHvIS loS jaj, naDev maratlhtaH.

jajmey toghmeH DIS Hur leghnIS'a'? ghaytan tlhaq ghajtaH 'a bIQ jaQ SIQpu'.

wovmoHlaH'a' pagh luqengbogh?

> wutlhDaq maHtaHmo'
> nutu'laHbe' HotlhwI'mey. maghungchoH 'ach mayIntaH. mejpu'DI' tlhIngan Duj,
> wInarghlaH. wa'leS chegh Farsajii 'ej qaStaHvIS Hogh munejbejtaH. nuSamDI'
> nutoD 'ej jutlhejlaH."

nap nab: loS. vangQo'. toD pIH.

> wej DIS megh'an lutu'pu' 'ach yavDaq QotchoH Mahoun. pay' Mahoun yeb tajvaj
> muj qaw 'eSSIm. bIQ HajtaHmo' 'eSSIm, Mahoun Sengmey lIjchu'pu'.

vIlIjchu'pu' je. bepbe'pu' loDvetlh yoH.

> Mahoun DeS
> 'uchchoH 'eSSIm 'ej yeb lunuD nItlhDu'Daj. motlhlaw'. loQ SIHmoH 'eSSIm.
> vIngbe' Mahoun.
>
> "ghorlu'be'law'," jatlh 'eSSIm.

mer.

> "pIv ghopvetlh. 'oy'taH latlh'e'.

merHa'. tlhaQ ghaH.

>'oy'be'wI' DaHot 'e' vImaS. 'oy'
> vISIQlaH," jatlh Mahoun.

nuch puj ghaHbe'bej.

> Mahoun nab qel 'eSSIm. gharben cha'Daq Dunbe'
> 'eSSIm yIn. mIDvam lonqang. not qorDu' leghqa'chugh ghaytan Quch SoSDaj.
> 'ach Haw'be' tlhIngan. ghochlaHmo' jagh, jagh jeynIS.

(latlh DuH tu'lu': jagh jagh mojHa'laHchugh, ghochnISbe' jaghqoq.)

> jatlh, "Mahoun,
> yuQlIjDaq bInoy'a'?"
>
> jatlh Mahoun, "tlhIngan qama' jIHpu'mo', wejmaH ben loQ jInoy. DaH
> malja'wIjmo' vengwIjDaq vISovlu', 'ach jInoybe'. vuDmeywIj vuv nuv law'.
> vengwIjvaD jInmolmey potlh vIDIlta'. chochovlI''a'? jImIp. be'pu'vaD roD
> potlh ngoDvetlh."

qechwIj wa'DIch 'oH, 'ach jIQubqa'DI' ngoQHey vIyaj. So''egh neHlaw'.

> Mahoun mIp qellI'be' 'eSSIm. jatlh 'eSSIm, "pa' nIghochlaH tlhInganpu'."
>
> jatlh Mahoun, "Dat mughochlaH. wa'Hu' pov So'Ha'ta' tlhIngan Duj 'e' tu'
> chIjwI'wI'. *veS* retlhDaq 'oHtaH 'ej bavtaHvIS may'Duj HeDon ghoSchu'.
> ghoch 'e' nID beqwIj 'ach So'qa'ta'. chaq gharben cha' Saqta'. mughoch 'e'
> DaHar'a'?"
>
> jatlh 'eSSIm, "ghaytan lupDujHom lulegh."

So'wI' lo''a' lupDujHom?

> jatlh Mahoun, "ngugh 'e' vIchup, 'ach pIvlob chavlaHbogh Duj mach'e' leghpu'
> 'e' qap Tiadynsan[283]. vIleghbe'pu', qepDaq jIHtaHmo'."

qepDaq jeSlu'be'chugh, De' lI' Suqlu'be'. qepDaq jeSlu'chugh, De' pIm
ghojlu'be'. vaj qaSbe'nIS qepmey, 'e' vIchup.

> qatlh Mahoun quch neH qImyal Sa'? nger DunHa' tlhoj 'eSSIm. 'eSSIm QIn
> Hevbe'pu' qImyal. Hevmo' yaS matlhHa', Mahoun'e' lupum QuSwI'pu'. Mahoun
> qoplu'chugh vaj 'eSSIm lunubmoH 'ej luHup je. pagh chaq jIjQo'mo' Mahoun
> maghpu' Qugh Qel. MahounvaD ngermeyDaj 'angbe' 'eSSIm.

reH Dat 'urmang leghrup 'eSSIm. chay' buQwI'na' ghovlaH?

-- ghunchu'wI'