[Tlhingan-hol] nuq bop bom: 'ay' cha'vatlh loS: De' SuqmeH, qama' pe' je joy'wI'
Qov
robyn at flyingstart.ca
Fri Jun 1 18:07:06 PDT 2012
Mahoun has just asked High Councillor Qa'bar if he did indeed cut
Mahoun's arm to retrieve the secret information.
204: De' SuqmeH, qama' pe' je joy'wI'
jatlh Qa'bar, "ghobe'. rIQtaH DeSDu'lIj DIr bIpawDI'. chaq bIghHa'Daq
qaS. qaHevDI' qabIjmeH DaSmeywIj ro'Du'wIj je vIlo'. tlhoS
qaHoHpu'[228] 'ach muyonmoHbe' ghorlI'bogh HomDu'[230], beymeylIj je.
qaqIchtaHvIS choyajlaHbe'. nom tlhIngan Hol Daghojchu'meH QI' cham
vIlo', 'ach not De' vISuqmeH qajoy'ta'."
jotHa'qu'choH Mahoun. Qa'bar bejvIplaw'. DeS So' 'e' nID 'ej nom
tlhuHtaH. jatlh, "yIja', 'eSSIm."
tamqu' 'eSSIm ghogh jatlhtaHvIS, "joHwI', pe' joy'wI' 'e' qelbe'
Mahoun. qama' ghaHtaHvIS, porghDaj qoDDaq De' 'aplo' lanta' Qel."
tlhoS tlhup 'eSSIm.
jatlh Qa'bar, "Mahoun, qatlh not choja'pu'?"
jatlh 'eSSIm, "Sovbe'pu', joHwI'. wa'Hu' ghu' QIj Qugh Qel, 'ach pe'
tlhIngan Qel 'e' chaw'Qo' Mahoun."
vaHvo' Daqtagh lel Qa'bar. jachchoH Mahoun. quSvo' pumbe'meH bong
ghaH poS DeS lo'DI' jachqu'. raSDaq taj roQ Qa'bar. jachbe'choHDI'
Mahoun jatlh Qa'bar, "DalelmeH SoH taj qanoblI', Mahoun."
jatlh Mahoun, "qape''eghlaHbe'! mubot Hoch DujmeywIj."
jatlh Qa'bar, "Dupe' 'eSSIm 'e' Dachaw''a'?"
nom tlhuHtaH Mahoun. jatlh, " 'oy' qIlbogh Hergh Daghaj'a'?"
rurbogh Hergh neHmo' nuch neH, DevwI' tIchpu' Mahoun 'e' Haj 'eSSIm,
'ach mon Qa'bar. Hu' 'ej HIvje' tInDaq HIq qang, HIvje' bID teb HIq,
ghIq HIvje' naQ tebmeH bIQ lo'. Mahoun nob. jatlh, "yItlhutlh."
tlhutlhtaHvIS tuS 'ach tlhutlhchu'. Daqtagh HeH nuD Qa'bar ghIq
'etlhDaq HIq lIch. meQmoH. qul bej Mahoun. jatlh Qa'bar,
"vIwojmoHmeH."[239] Mahoun DIrDaq, 'eSSIm ghopDu'Daq je HIq lIch.
'eSSImvaD taj ret'aq nob.
"DaSIQrup'a'?" jatlh 'eSSIm.
quSDaq ba'taH Mahoun 'ej raSDaq DeS lanta'. Daq cha'ta'bogh Qel
qawchu' 'eSSIm. taj Qeq. SIbI' raSvo' DeS luH Mahoun. jatlh,
"vISeHlaHbe'. taj vIleghDI' vIH'eghmoH."
latlh HIq nob Qa'bar. vangmeH HIq loS, ghIq raSDaq DeS lanqa' Mahoun.
rIQmo' yeb, polmeH 'uybe 'eSSIm. volchaH 'uchchoH 'ach DIr Hotpa'
taj, DeS vIHqa'moH Mahoun. nom vang. Mahoun 'emDaq QamchoH 'eSSIm
'ach DaHjaj Mahoun SeHmeH yapbe' wa' DeS. DeSDaj SIjtaHvIS 'eSSIm
vIHchugh Mahoun QIDqu'laHmo' pe'choHbe'. "jItlhIj," jatlh Mahoun.
"peloS. chaq 'ut latlh HIvje'."
----
SKI: Mahoun wants to cooperate with the data retrieval process, but
his self-preservation instincts interfere.
----
[228] I'm reading this thinking, "Dude, you SO didn't follow the care
and handling instructions for a Yelwitian."
[229] I accidentally read too many posts on {-moH} and the prefix
trick this week, and now I can't write anymore. Feel free to tell me
why this is wrong.
[230] And I'm right back to where I started this story, longing for a
Klingon word describing the sound of a bone breaking.
More information about the Tlhingan-hol
mailing list