[Tlhingan-hol] nuq bop bom: 'ay' wa'vatlh HutmaH: nejtaH negh

[ghunchu'wI' 'utlh]

On Wed, May 16, 2012 at 10:01 AM, Qov <robyn at flyingstart.ca> wrote:
> 190: nejtaH negh

nom 'ay'vam vIlaD 'ej vItIv. bertlham vISIchDI', QaghHomwIj vItlhoj.
DaH jIja'taHvIS, 'ay' naQ vISovtaH. vaj loQ pIm DaHjaj pojwIj.

> ngaD'eghmoHtaHvIS bIng pupDI' 'eSSIm vay' tu' qamDaj. Qamchu' 'e' leghDI'
> Mahoun jatlh, "nuq Dagho'taH?"
>
> jatlh 'eSSIm, "QemjIqHey." 'oHDaq QamchoHlaHmeH je Mahoun nech 'eSSIm.

wa' ben Daqonta'chugh, QemjIq tu'laHbe'.

> tlhIngan ghogh luQoy. jatlh, "bIQDaq ghIrpu'. jaQqu'. yInlaHbe'bej.
> yInIDqa'. ... ghobe'! vIleghlaHbe'. bIQtIqDaq chaHtaH. ... luq, qaH."

QumwI' lo'ba'. Hop mochDaj.

> Dungvo' jatlhchoH latlh ghogh. jatlh, "ghu'maj luyaj'a'?"
>
> jatlh ghogh wa'DIch, "vIHon. DaH rapmo' ngoq, ghu' teH je, mIS. SuDwI'
> wIghajtaH 'e' luHarlaw'. chay' narghta' 'e' Dachaw' jay', toDSaH?"

<chaw'> Delmo' qar'a' <chay'>, ghaytan <narghta'> nungbe'nIS.

Do'Ha' nuvpu'vam wIleghbe'. nuv wejDIch nach 'o' weq nuv cha'DIch toch
'e' vIbej vIneH.

> jatlh ghogh wejDIch, "pIch ghaj jol. vIghaj 'ach lujDI' jol nargh. chIch
> Supta'mo', taQ. HoH'egh 'e' pIH 'Iv?

ngoDHom vItu'. ghaytan bIQtIqDaq Hegh 'eSSIm pumDI', 'e' lupIH HIvwI'pu'.

> <yIQIHQo'> ra'mo', pe'vIl vI'uchqu'be'
> 'ej DaH Heghpu'mo' ... muSurgh Sa'."

'olta'. Mahoun poQ Sa''e'.

> choltaH ghoghmey. qojmey yorDaq
> yItlaw'taH nejbogh negh. vIHbe'choHchu' 'eSSIm. nagh Hurgh rur DIrDaj 'ej
> lavmey rur jIbDaj. Mahoun DIr SuD So' 'e' nID 'eSSIm.

vIHbe'chu'chugh, taD'a'? bIQ Hat DaDelpu'be', pay' 'e' vItu'.

> purqu' Mahoun ghIq bIQDaq ghIrchoH. 'eSSIm 'uS Hot ghIq ngablaw'pu'. loStaH
> 'eSSIm. bIngDaq 'uS joqmoH. Mahoun SamlaHbe'. qaStaHvIS tupmey loStaH.
> juSlI' ghoghmey. tlhuHnISbe''a' Mahoun?

bIQDaq puvlaw'. chaq law' ghotI' laHmeyDaj.

> lonta''a'? 'eSSIm DechtaH bIQ
> narghlaHbe'bogh. lImrupqa'. cholHa'lI'mo' nupchoH ghoghmey 'ach DachtaH
> Mahoun. tagha' 'eSSIm 'uS Hotqa' Mahoun ghop. bIQvo' nargh Mahoun nuj neH.
> pur ghIq tlhupchoH. jatlh, "DIS QaD vISamta'. HIghoS." ghIrqa' Mahoun.

wejpuH. lImrup 'eSSIm 'ej SIbI' cheghHa' Mahoun.

> purqu' 'eSSIm 'ej Mahoun tlha' 'e' nID. bIQDaq qabDaj lanta'DI' lImchoH 'ej
> Qamqa'. chegh Mahoun. ngechDajDaq Mahoun nach SuD So' 'eSSIm. jatlh, "bIQDaq
> qatlha'laHbe' ..."
>
> jatlh Mahoun, "Data'laH. wa' ghop vIlo'taHvIS vIta'laH.

mIybe'. vIt jatlh. 'ach tlhaQ.

> qaStaHvIS wejmaH lup
> bItlhuHbe'laHtaH'a'?"
>
> jatlh 'eSSIm, "HIja', 'ach ... DIn vISamlaHbe' ... " bIQDaq ghIrvIp 'eSSIm.
> DechDI' bIQ lImchoH 'ach chID neHbe'. Mahoun nach 'uchqu'.

Qob bIQ 'a QoblaH je le'yo'.

> jatlh Mahoun, "bangwI', HIvoq." qam pepmeH bIQDaq SIH'egh Mahoun. qamDajDaq
> 'eSSIm ghop lan. jatlh "DaH yItlhuHqu'." lob 'eSSIm. jatlh Mahoun, "DaH
> qaDev. HI'uchtaH. mInDu'lIj tISoQmoH DaneHchugh." tlhuHqu' Mahoun ghIq
> tlhuHbe'choH 'ej ghIrchoH. mInDu'Daj SoQqu'moH 'eSSIm 'ej luHchoHDI' Mahoun
> qam Dev 'e' chaw'.

waq tuQbe'law' Mahoun. QallaH 'e' luwaQ waq, chaq 'e' Sovbe' 'eSSIm.
bIQ jaQDaq loQ jIv.

-- ghunchu'wI'