[Tlhingan-hol] mIl'oD veDDIr SuvwI': 'ay' 1 - DujlIj yIvoq

[Rohan Fenwick - QeS 'utlh]

Okay, Qov, if it'll keep you happy. :)

It's a long poem (novel-length), so it might be a bit quiet action-wise for the first couple installments, but then Shota Rustaveli wasn't aiming to write a mini-climax every 250 words, either... The poem is already divided into 47 'ay''a'mey, but as with nuq bop bom I'll split it into 'ay'Hommey of around 250 words for easy digestion. And away we go!

'ay''a' wa'DIch: roStevan, qolvat[1] Sep joH

1: DujlIj yIvoq

QI'tu' HoS'a'mo'[2], ben law' Qo'noSDaq qolvat Sep che'taH roStevan'e'. joH HoSghaj ghaH; Dugh ghaH, jeQ, quv, 'ej val. pung lo', leSSov ghajchu', 'ej Do', 'ach nguqHa'[3]. toy'wI' law', SuvwI' law' je ra'. SuvwI' Doj ghaHqu' je, 'ej pov SoQ laHDaj. puqloD Hutlh; wa' puqbe' mob neH ghaj. 'IH puqbe', Salbogh jul rurchu'; ghaH Dechbogh qo' wovmoHmeH boghlaw'pu' ghaH. 'IHqu'chu'mo', 'IQchoH luleghbogh loD 'ej maw'choH. joH puqbe'vam'e' naDlu'meH, 'ut wa'netlh jatDu', valwI' Sovna' je[4]. pongDaj 'oH tIna'tIn'e'; noyjaj pongvetlh!

wa' jaj, qeSwI'pu'Daj rIt roStevan joH. lucholpu' 'ej ba' chaH 'e' tlhob ghaH. batlh chaHvaD jatlh, HemtaHvIS 'ej jottaHvIS ghaH. « vay' SaqelmoHmeH SarItta'. qeS manobchuqjaj maH tay', » jatlh. « ngo'choHDI' lav 'IH, QaDchoHDI' porDaj 'ej nguvHa'choHDI', nenchoH latlh por 'ej Du'Hom 'IHqa'moH. DaH jIHvaD qaSchoH yIn choS; tugh muHurghmoH yIn bertlham ram. nuvpu' ropmey'e' qanchoHghach qab law' Hoch qab puS. chaq DaHjaj jIHeghbe', chaq wa'leS jIHeghbe', 'ach 'opleS jIHeghbej. chay' bochlaH wovmoHwI', So'taHvIS muD Hurgh? [5] puqbe'wI' Dun law' jul Dun puS; ghaH Sughlu' 'ej joH woQwIj gheS 'e' vIchup. »

morghchoH qeSwI'pu' 'ej jaq. « qanchoHghach yIqelneSQo', 'o joH! nguvHa'choHDI' 'ej QaDchoHDI' lav 'IH, pIwDaj nIv larghlu'taH. maS'e' So'choHbogh QIb wov law' Hov wov puS, 'ej vaj qabbogh qeSlIj'e' nIv law' QaQbogh qeS'e' lunobbogh latlh nIv puS. vay''e' neHqu'bogh qa'lIj Da'angta' 'e' wInaDqu'. jul wov jeybogh be' 'IHvaD wo'lIj Danobjaj. be' ghaHbej, 'ach che'wI''a' mojmeH ghaH boghmoHpu' QI'tu'. che'laHchu' ghaH. 'e' wIjatlhDI' 'etlhlIj wIbochmoHbe'qu'; pIj wIjatlh maH bIDachtaHvIS SoH. norghna' bIH norgh puqloD'e', norgh puqbe''e' je. qo' 'IHmoH jul, qo' 'IHmoHjaj je puqbe'lI' ta'mey. »

--------
[1] Kol'vat is a region on Qo'noS, from Diplomatic Implausibility. I'm extending it to Sep status here, because reasons. (Mostly I don't want to have to use a Sep that's already canon because most have weird dialect things going on. I'll be using those later but sticking to straight ta' Hol for the protags.)
[2] Relocating to Qo'noS as the Klingon Hamlet did. As a result there's a lot of Christian references to tone down, so there'll be a lot of vague QI'tu's and qeylISes.
[3] Everyone get "be humble" or "be modest" out of this?
[4] Yeah... the poem gets pretty florid in its description. Be forewarned.
[5] Cheery bugger, isn't he?

QeS