[Tlhingan-hol] nuq bop bom: 'ay' cha'vatlh cha'maH wej: qImyal mIwmey ghovlaH

[ghunchu'wI' 'utlh]

On Jun 25, 2012, at 8:01 PM, Qov <robyn at flyingstart.ca> wrote:

> 223
> qImyal mIwmey ghovlaH
>
> wej bachpu'mo' 'avwI'pu', bachqangbe' chaH 'e' tlhoj vajar.

chaq cha' mu'tlhegh QaQ law' wa' QaQ puS. Qatlh 'e' nur,
luchevlu'chugh. chaq jIbuD neH. DaHjaj yaHwIjvo' loQ poH vInIH 'ach
Qu' vIta'nIStaHmo' yabwIj tlhIngan 'ay' vIchu'qu'be'. potlh <-mo'>
qech 'e' vIyaj, 'ach ghaytan 'utqu'be' mojaq, cha'logh <bach>
laDlu'mo'.

pojvam vIghItlhmeH tlhIngan Hol vIlo'mo', jIbuDbe'choHpu'. DaH ngeD
mu'tlhegh Daqonta'bogh 'ej qay'be'. yIqImHa'.

> vajar luqop luneHtaH. qaSbe'jaj.

lut nuv qech 'oSDI' lut mu', jaS vIlegh vIneH. ghItlh DapupmoHchugh,
mu'mey Qubbogh neH nuv DachongHa'moH 'e' vIchup.

> ghop pep latlh 'avwI' le', QupwI'. nuH 'uchbe'taH ghop. veDDIr 'ay' cha'taH. chIS 'ej Hurgh veDDIr. chay'? toj'a'? "Ha'," jatlh moch. "pemoD." bachpu' pagh. toj pagh tojbe'?

jIqejchoH 'e' Dachaw'chugh...

ghelwI' mojaq, ghelwI' chuvmey ghap Hutlh ghelbogh mu'tlhegh 'e'
vIparqu'. jIHvaD DubmoH latlh mach: <toj pagh tojbe'. teH nuq?>

'a "style"-lIj vInIS vIneHbe'. vay' DamaSchugh SoH yIpol.

> to' Huj 'oH 'ach jonwI' choQ lughoSqa'lI'.

pIj <N V pronoun-as-verb> qa'laH <V N>. naDev <Huj to' 'ach...> Datamqang'a'?

> ghutar chol Qupbogh 'avwI' le'. DIS neHlaw'. ghutarvaD lut ja'lI' 'avwI'. DaHjaj DaqwI' jan jIHtaH 'avwI' Qup 'e' ra' qImyal. ghoqwI'Hey DujDaq labwI' jomlu'.

**
labwI' jomlu'_pu'_, qar'a'? jan jomwI' Qu' Delbe' lut.

> Dal Qu'. QongtaH ghoqwI' ghIq vemDI' Qolpu'mo', Duj chIm jIHtaH. ghIq jol Qoy 'ej chegh ghoqwI', meb je. qImyalvaD wanI' ja'pu' 'avwI', ghIq 'IjtaH. rIpDuy[330] Qa'bar

patlh Dachugh, pong tlha'nISlaw'. 'ach chaq patlh Dabe' 'ej buv neH.
Duj pong nung Duj Segh, vaj qItbej lo'lIj.

> ghaH ghoqwI'Hey'e' QIt 'e' tlhoj 'avwI'. DevwI' quv 'IjtaHmo' bIt 'avwI' Qup 'ach meHDaq qImyalvaD wanI'mey QoylaHbogh labtaH. nov lujollu'

**
nov 'ar? SaH cha' tlhInganpu', wa' Mahoun je, qar'a'? chaq muj <-lu'> neH.

> 'ej Qa'barvaD QIn ghajlaw'pu' nov, 'ach nIHlaw'pu' vay'. qImyalvaD De'vetlh ja'pu'DI' 'avwI', Qay' qImyal. vajar qoplu' 'e' ra' 'ej joy'wI' pa' ghoS. 'ach QIn nIHbe'lu'pu', QIn luSam 'ej lucha'. lut 'IjtaH ghutar, pagh jatlhtaHvIS. ghelmeH, qagh neHqu' vajar, 'ach SeH'egh. maghwI' ghaH qImyal'e' 'e' 'ang QIn.

vaj vIt SovchoHlu'. Dujvam quvHa'Daq ra'wI' quvHa' lutoy'pu' mang jIv.
tugh lutoy' qoH, mIghwI' joq neH.

> jatlh 'avwI' Qup, "qImyal vItoy'meH ta'mey quvHa' vIta'bejpu', 'ach wo' vItoy' 'e' vIHar. pIpyuS vIghorvIpbe'. DaHjaj wo' toy'be'bogh ra'wI''e' vItoy' 'e' vItlhoj." qImyal Sa' rI'be'pu' 'avwI' Qup. mochDaj rI'pu'. ngeblaH QIn 'e' lughet 'e' lunID 'ach qImyal ta'meyna' ngu'laHmo' neghvetlh, qImyal mIwmey ghovlaH. ngebbe' pum. tlhIngan DevwI' puqloD chotpu' qImyal 'ej qaStaHvIS yIn naQ HeSDaj So'meH vangpu' qImyal. 'ej HeSDajmo' cheppu'. ghu' lucherghlaHbe'. lotlhrupbogh Hung 'ay' negh lughomDI', tlhejchoH.

toH. nuvvaD matlhbe' matlhqu'wI'pu'. wo''e' lutoy'!

> jatlh 'avwI', "vItoy'ta'mo' not loD quv jIHqa'laH, 'ach SanwIj lubechnISbe' latlhpu'."

**
lugh <bech> 'e' vIQubbe'. <SIQ> DaneH 'e' vIQub.

> jatlh ghutar, "qeylIS toy'choHDI' tIqlIj, bIquvqa'." ghutar DIvHa'moHghachHey lajDI' 'avwI' SIbI' SotHa'choH.

ngotlhbej ghutar. lalDanDaj 'oH batlh'e'.

> jachrup vajar. <wa'maH chorgh ben boghpu' mangvetlh! HeSmeylIj qIllaHbe'!> jatlh neH, 'ach ghutar luvoq tlhIngan 'ej ghaHmo' quv chav 'e' luHar.

tIqDaj HoSna' tu'lu'. batlh ghob pabnIS neH. 'utbe' DIvHa'moHwI' Qup.

-- ghunchu'wI'