[Tlhingan-hol] nuq bop bom" 'ay' cha'vath wejmaH: tlhe'moHlu'DI' 'oy'moH
Qov
robyn at flyingstart.ca
Fri Jul 6 21:44:33 PDT 2012
qImyal was taking off vajar's socks.
CONTENT: There's pain here, but mostly it's psychological torture.
230
tlhe'moHlu'DI' 'oy'moH
jatlh qImyal, «loD val SoH, vajar. 'oy' DapIHmeH,
SoHvaD 'utbe' joy'wI' jan Doj.» quSDajvo' joD
qImyal 'ej wa' janDaq vajar nIH marwI' veghmoH.
pup 'e' nID vajar 'ach mevmoH mIr. jatlh qImyal,
«Du'oy'moH janvam mach 'e' DaSov. 'oy'qu' 'e'
DaSov. 'ej 'oy'be'choHmoH mIw DaSov.» vajar poS
marwI'Daq latlh jom. loQ veraghmey tlhe'.
'oy'choH 'ach cherghlaHbej vajar. qamDajDaq gho'pu'bogh nuv rur.
jatlh qImyal, «Dojbej janvam tIQ. tIQbe'
chovnatlhvam'e'. 'ach rurqu'wI' lo'ta' no'ma'.
'oy'vaD 'utbe' 'ul, HoS, QIghpej, joq.»
jatlhtaHvIS veraghmey lIStaH. loQ tlhuHHa'moH
'oy' 'ach vajar qab SIghbe' 'oy' 'e' nID vajar.
jatlh qImyal, «vISambej, vajar. qaStaHvIS DIS
law' qaqImtaH. DaSo'laHbe'. bIHeghchugh
bIjatlhpa' vISam. DaH chaq loQ 'oy'choH
yaDDu'lIj. quvlIj vItIchbe'meH bIjatlh wej 'e'
vIra' 'ach qa'oy'moHpa' chaq bISapqang. nuqDaq 'oH De''e'? leghpu' 'Iv?»
jangbe' vajar.
jatlh qImyal, «maj. belwIj Dange'be'. DaH Quj
DatIvrup'a'? Dotlh jIjatlhDI', Dumaghpu'bogh
nuv DapongnIS. bIlughchugh, veragh vItlhe'be'.»
jangbe' vajar.
«Dotlh!» jatlh qImyal.
jangbe'DI' vajar, jan lISqa' qImyal. wa'logh
DaSmey tuQbe'taHvIS vajar, may'luch SuqtaHvIS,
marwI'DajDaq yoD chaghpu'. ngugh marwI' chevta'
'e' Har 'ach nuDta'DI' naQchu'. DaH 'oy'vetlh rur. «Dotlh!» jatlhqa' qImyal.
«qoreQ», jatlh vajar. Sa' QujvaD jeSbe', 'ach
yabDajDaq qoreQ pIchtaHmo' vajar, nujDajvo' nargh pong.
mon qImyal. jatlh, «bIloyHa'. QapHa' jolpat neH.
loghDaq, tlhoy' qoDDaq ghap bInarghbe'mo' bIDo'.»
'oy' ghurmoHtaH qImyal jatlhtaHvIS. «Dotlh!» ja'qa' qImyal.
tlhuHtaHvIS vajar, 'oy'mo' wab lIngnIS. jachbe'meH, jatlh «qaH'eng!»
«majQa'! Daj Quj DayajchoH», jatlh qImyal. 'oy'
ghurmoHbe'. nuqjatlh? maghta'chugh qaH'eng ...
'oy'mo' QublaHchu'be' vajar. jatlh qImyal, «naDev
bIchu'mo' qaboQ. QuQmey jojDaq be'vetlh
Daqaw'a'?» be'vetlh Sawta' vajar. lIjlaHbe'bej.
jatlh qImyal, «ghoqwI'wI' ghaH. vIQeqta'. ghaHvaD
Hoch Dajatlhpu'bogh Daqaw'a'? vIqaw jIH. Dotlh!»
«ghIrel!» jatlh vajar.
«tlhoy ngeD. ghoqwI', SorghwI' je tlhIb ghaH.
tlhoy 'eqtaHvIS Duj Sorgh 'ej tep Hat chIlpu'»,
jatlh qImyal 'ej janmey Qeyqa'moH. QujqoqDaj
chutmey bIjmo'--'ej 'oy'qu'mo'--jach vajar. latlh
vajar wanI'mey Del qImyal. Dat ghoqwI'pu' ghaj!
Qub 'e' nIDDI' vajar qagh 'oy' tlhuDtaHbogh
yaDDu'Daj. bep Dan porghDaj. jeghrup vajar qa'.
jachbe' 'e' nID 'ach luj. Qoybe'jaj Hota'ro'.
---
SKI: qImyal hurts vajar and plays mind games with him.
---
More information about the Tlhingan-hol
mailing list