[Tlhingan-hol] nuq bop bom: 'ay' cha'vatlh cha'maH Hut: tlhe'moHlu'DI' 'uymoH
Qov
robyn at flyingstart.ca
Fri Jul 6 18:50:47 PDT 2012
vajar is chained up in a cell, undergoing interrogation by General qImyal.
Content: some physical effects of torture are
considered. I don't think it will turn anyone's stomach.
229: tlhe'moHlu'DI' 'uymoH
jatlh qImyal, «vajar HoD, DaHjaj bIQIp. QuD
DachermeH DaQuSta' 'e' vItoblaHmo' DaH DuQantaHbe' patlhlIj.»
jatlh vajar, «vImaghlu'.»
jatlh qImyal, «Damaghlu'bej. pa'vamDaq SIbI'
Dumagh naQjej yoH qochlI'. 'utbe' 'oy'. qama'
SuDvo' De' DanIHlI' 'e' bej.» wejpuH. vajar
qeHlaw'mo' yaH qochDaj buD[325], vajar pummeH
neplaw'ta'. jatlh qImyal, «pum 'olta' naQjej yoH
HoDlI'. 'oy' law' SIQpu' jatlhpa'.»
tlhoy'Daq joy'wI' luch leghlaH vajar. HochHom
ghov vajar. joy'wI' ghaHbe'mo' not lo'pu' 'ach
'avwI' ghaHtaHvIS rut joy'wI' luch Say'nISmoHpu'.
bIHvo' 'Iw, DIr, Hom 'ay'mey je teqpu'.
jatlh qImyal, «wo' Datoy'qang'a'?»
«reH!» jatlh vajar. «'ach not--»
«HIqaghQo'», jatlh qImyal, «reH wo' Datoy'meH
bIvang 'e' vISov.» QamchoH qImyal 'ej tlhoy'vo'
luch wIv. legh vajar 'e' chaw' qImyal, ghopDajDaq tlhe'taHvIS.
jan nap 'oH. toch bID tIn law' 'oH tIn puS. cha'
Donbogh baS naQmey beQ rar cha' tlhe'laHbogh
veraghmey. taghDI', baS naQmey chev vagh vatlhvI'
'uj. naQmey jojDaq SIQwI' nItlh lan joy'wI'.
veragh lutlhe'lu'DI' Duvmo' veragh, baS naQmey
cholchuqmoH. cholchuqtaHvIS naQmey, nItlhDaq 'uy.
'oy'qu'moH. HomDu' ghorlaH.[275]
vajarvaD jatlh qImyal, «wejmaH wej ben De' pegh
QumnIS vay'. DaboQpu'. wo' Datoy' 'e' DaHar.
maghwI' ghaH 'e' DatlhojDI' bItuHchoHba'. jIyaj.
DapeghtaHvIS wo' Datoy' 'e' DaHar. qaStaHvIS
wejmaH wej DISmey Dapeghchu'taH. DaH DachIDchugh
quvlIj Damagh 'e' DaHaj. qaboQlaH.»
jan nuD qImyal Sa' jatlhtaHvIS. veraghmey
tlhe'taH. QeymoHtaHvIS 'uychuq naQmey.
QeyHa'moHDI' poSchoH naQmey. nIbbogh jan cha'DIch
wIv Sa' 'ej nuD je. nablI' vajar. tlhIblaw'
nuHmeyDaj nge'ta'bogh 'avwI''e'. tlhuHtaHvIS
vajar, yIvbeHDajDaq taj So'lu'bogh HotlaH. vajar
nItlhDu' naw'meH qImyal, vajar DeSDu'
tlhabnISmoH. ngaQHa'moHDI' taj SIchlaH vajar.
qImyal HoHlaH pawlaHpa' 'avwI'. chollI' qImyal.
vajar paSlogh teqchoH. Hu'tegh. yaD joy'laH je janvetlh.
--
SKI: As qImyal makes it clear that this
interrogation will involve non-verbal means
coercion, vajar formulates a plan of escape.
---
[325] In what I believe was the second 'ay' of
the whole story, vajar was looking at old records
from when he was a guard on a support ship, and
discovered that his work partner had ratted him
out for something he didn't do. That person. I
really didn't expect you to remember him (or
her?) that this far on. vajar got a promotion out
of it, because the ensuing investigation showed
him to be doing an especially good job.
[275] Yes, I know rivets aren't threaded. But you
figured it out, didn't you? I think I did pretty well, considering.
More information about the Tlhingan-hol
mailing list