[Tlhingan-hol] nuq bop bom: 'ay' wa'vatlh wejmaH loS: <tep Hat>

[Qov]

General qImyal was asking vajar to reveal the location of data of 
great importance to the Empire.
----
134

"naDev tlhIHvaD qay''a' vay'?" jatlh Sa'. "Hoch DapoQbogh DaSuqta''a'?"

jonwI'vetlh Qup qelqa'mo' vajar tlhoS mon. chaq ramvam jonwI'vetlh 
SuqlaH. jatlh "DojbejneS may'DujlIj, Sa'. Hoch vIpoQbogh vISuqta'." 
morgh neH vajar 'ach luyepmoH Hota'ro' mu'mey. HarwI' Da.

lojmIt mup vay'. jatlh qImyal, "nuqneH?"

jatlh vay'. Qoybe' vajar 'ach jatlh qImyal, "yI'el." 'el wej 
'avwI'pu'. qImyal teSvaD jatlh wa'. SIbI' QuchHa'qu'choH qImyal qab 
ghIq jaS QuchHa'choH. wa' 'avwI'vaD jatlh "yItaH tIjatlh." mej 
'avwI'vetlh. vajarvaD jatlh, "*Dugh*Daq 'op tep Hat lutu'pu'. 
Dochmeyvetlh DaQIjlaH'a'?" Saghqu' ghoghDaj. jatlhtaHvIS vajar DeSDu' 
'uchchoH 'avwI'pu' 'ej pu'HIchDaj nge'.

ba'qu'choH vajar 'ej 'avwI'pu' buSHa'. jatlh, "Hatchugh tepwIj 
vISovbe'pu'. nuq luSam?"

jatlh qImyal, "HeSmeylIj DaDISnIS. nuq boHIj?"

Qubqu' vajar. HeSpu''a'? ratlhbe' HIq nov 'e' Sovbej 'ej not tep 
jonpu'bogh ngev. pe'vIl jath Sa', "lut ngeb yIqonQo'. bong 
DaHIjpu'be'. tep DaSo'ta'bogh vIqellI'."

jatlh vajar, "pagh tep vISo'ta'." vay' So'ta'chugh beq, ngoy' HoD 'e' 
Sov. tlhoS jatlh <matlhHa'law' ghIrel> 'a jonwI'pu' Suchta' 'e' 
peghnIS. ghaytan Sa'vaD matlhHa'ghachDaj luja'ta' jonwI'pu', vaj 
mIqta'Daq vay' So'lu'ta'chugh yaj Sa'. qarbe''a'? jatlh, 
"QuSmeyDajmo' ta''a' Hota'ro' 'e' DapIH'a'?"

Qochlaw' Sa'. vajar'e' pIHba'. Saghqu'taHvIS jatlh "SIbI' bIDISchugh 
chaq qaQaHlaH 'a HeSmeylIj DaSo'taHchugh bIquvHa' 'ej qaQaHlaHbe'." 
pagh So'ta'mo' jangbe' vajar.

vajar luDorchoH cha' 'avwI'pu'. ghaH nIH cha'neH[103] 'uchtaHvIS 
'oy'moH 'ach bepbe'. tep Hat luleghmeH Hung pa' lughoS. pa' loSlI' 
Hung la'. be' ghaH. ben wuSDaj Dung QIDqu'mo' vay' Ho'Du' 'ang 
monbe'taHvIS. qu'moH. HatwI'Hey muchchoH. romuluSngan Hol lo'bogh 
pu'jIn QIj vajar. lujonta'. romuluSngan loghvaD Sung De' qar law' 
tlhIngan De' qar puS. chachmo' wej wo'vaD De' chu' lI'ta'.
---
SKI: vajar defends himself against accusations of transporting contraband.
----
[103] Before the morning I wrote this, I would have thought this was a bird.