[Tlhingan-hol] nuq bop bom: 'ay' wa'vatlh cha'maH cha': <QIptaH>
Qov
robyn at flyingstart.ca
Mon Jan 9 06:24:47 PST 2012
Our trio is in a computer room and ghutar was just asking why the
crew had to transfer away from Vigilant.
122
QIptaH
pa' 'el Hung HIp tuQtaHbogh mang. jatlh, "naDev HoS choHwI'
vItamnIS." rav'eq naw'meH raSDaq Qam 'ej wovmoHwI' laghchoH.
Qapchu'pu' wovmoHwI'. jatlh vajar, "naDev wabmey luqonlu''a'?
bIboghpu'pa', may'DujDaq 'avwI' jIHtaHvIS Dat bejlaH Hung 'ach qama'
mIchDaq neH wabmey DIjIHtaH." jangmeH mIw Sovbe'ba'mo' mang loQ tlhaQ ghu'.
jatlh vajar. "quvlIj vIqaD 'e' vIHechbe'. wejmaH vagh ben pIj QapHa'
jIHwI'meyvetlh QIp." mon mang Qup. QIplaw'taH jIHwI'meyvetlh 'ej
rav'eqDaq lujomlu'. 'ej DaH Qapbej pa'vam qonwI'. mej mang.
jatlhqa' ghutar, "maQaynISbej'a'?"
jatlh vajar "wo' ngoch 'oH. Duj tI'chu'meH poH nI' poQlu'mo',
tI'lu'taHvIS Duj, loStaH beq net tuch. Duj lulajpa' tI'wI'pu',
QaynISpu' beq. SuQaybe'pu' verghDaq mapawDI' lIQay wo'."
jatlh ghutar, "latlh Duj vIneHbe'! *Dugh* vItoy'!"
jatlh vajar, "wo' Datoy', lagh. buD beq neHbe' wo'. *Dugh*Daq Sapol
vIneH 'ach DuHbe'." QuSmey bot 'e' nID ngoch. tlhIngan wo' toy'nIS
mang. Duj rap toy'taHchugh HoDvetlh wo' toy'choH net Har. chaq lugh.
jatlh vajar "nuQaHqang qImyal Sa'. *veS*Daq SuQay 'e' chaw'."
jatlh Hota'ro', "DeghwI' poQbogh latlh Duj DaSovneS'a', HoD?" veQDuj
toy' 'e' maSlaw', 'ach DujDaq QaylaHmeH vay', SaHnIS Duj pagh DujDaq
lengnISlaH.
jatlh ghutar, "Dun may'Duj 'ach naDev beq quv pIlmoHqu'be' ra'wI'pu'.
vay' quv vIvuvDI' vImer. *Dugh* vImaS."
ghutar qech yaj vajar. jatlh, "pIm Dujmaj. lengrupqa' *Dugh*
SuQayqa'." Qayqa' ghutar 'e' pIH vajar HoD 'ach ghaytan latlh DujDaq
ratlh Hota'ro'.
jatlh ghutar, "Qo'! matay'taHvIS *Dugh* wIHubta'. matay'taH vIneH!"
jatlh vajar, "reH batlh bISuvrup, ghutar 'a Do'Ha' jaghvam jeylaHbe'
nuHmeylIj quvlIj joq. wo' yo' chutmey DaHoHlaHbe' joq DatuHmoHlaHbe'."
---
SKI: vajar attempts to explain the workings of Klingon bureaucracy to ghutar.
----
I don't know why, but I just imagine Klingons having a level of
bureaucracy--and a parallel system of graft and corruption evading
it--.that rivals the Soviets. I guess it just augments paranoid
suspicion so well. On the surface it's all honour and combat but
behind the scenes--paperwork. That's why Klingons are so grouchy.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120109/802d2603/attachment.html>
More information about the Tlhingan-hol
mailing list