[Tlhingan-hol] nuq bop bom: 'ay' wa'vatlh cha'maH: <ghutar quv>

[Qov]

Here's Saturday, a few minutes early in my time zone.

ghutar has arrived at the computer room, and was seen chatting with a woman.
----
pa' mach 'el ghutar. jatlh vajar, "'Iv ghaH be'vetlh'e'?"

"muDorbogh 'avwI' ghaH, HoD. tuqnIghDaj nayta' SoSnI'wI' be'nI'," jatlh ghutar.

jatlh vajar, "no'raj boqelmeH nItlhap'a' *veS* Hung yaSpu'?"

jatlh ghutar, "ghobe' HoD. taj ret'aqDaq boqbogh tuq Degh tuQmo' 
Qu'vat noH cha'DIch bopbogh lutHom vIjatlh 'ej ... potlhbe' HoD. majaw neH."

jatlh vajar, "qatlh DuqaD loD DaHoHpu'bogh?"

jatlh ghutar, "ghIntal vIpIHbe'pu'. qoghwIj chevpu'DI' vIHoy'rup." 
jIbDaj yuvDI' ghutar loj qogh bID 'e' leghlaH HoD. jatlh ghutar, "jaS 
quv wIyajmo' maSuv 'e' qap. qaStaHvIS wej puq poHmey vav puqloD 
puqloDpu'chaj je quvHa'moHmo' vav quvHa'ghach, not quvqa'laH SuvwI' 
quvHa' 'e' Har. 'ach Hoch 'Ighpu'wI' tlhabmoH batlh. batlh vangchugh 
vay' Qu'Daj ta'chu', wo' toy'chu', Quch 'ej latlhpu' vuv. quvchugh 
Hoch tlhIngan, tlhIngan batlh HoSmoHchu'. batlh vang neH Hoch 
tlhIngan 'ach batlhHa' vangpu'chugh vay', rut tlhIngan qa' je'nIS 
vay'. SuvwI' qawnISmoHlu'.

jatlh vajar, "DunISchugh vay' <batlh yIvang> bIjatlh'a'?" SopwI'pa' 
may' QIjba'.

jatlh ghutar, "ghobe' HoD! <batlh yIvang> jIjatlhchugh quvDaj 
vIvuvbe'. vay' quv vIghovmo' quvvetlh buS nuv, 'ej batlh vang. quv 
vIja'be'. quv vIyIn."

jatlh Hota'ro' "wotvetlh Dalo'Ha'. bIyIn neH. vay' DayInlaHbe'."[84]

jatlh ghutar, "be' quvqu' SoH, Hota'ro' Sogh. not bIyIn neH SoH. 
batlh DayIntaH."

jatlh Hota'ro', "Qagh 'oH neH patlhvam'e' qaja'pu'. bong munumpu'mo' 
HoDma', tawIjDaq muj DaH 'e' vISov.

jatlh ghutar, "qaja'pu', Qagh yIleghQo'. quv neH yIlegh. Sogh SoH. 
chaq bIrIQqa'DI' 'aj Damoj. Hota'ro' 'aj vItoy'qang."
----
SKI: ghutar explains his philosophy of life, and shines Hota'ro's nose a bit.
----
[84] SubeplaHpa' vang Hota'ro'. I was going to call this "hanging a 
lampshade on the fourth wall," and then I found out that yIn can too 
take an object. So Hota'ro' is wrong. She is sometimes.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120106/27510e99/attachment.html>