[Tlhingan-hol] nuq bop bom: 'ay' wa'vatlh wa'maH chorgh: <ghIqtal>
Qov
robyn at flyingstart.ca
Thu Jan 5 06:11:57 PST 2012
It's been a while since I attached a violence warning, but as you can
judge from the chapter title there is some here. Two different body
parts are severed, and the title is accurate, but the description is
not particularly gory.
Last time, someone jumped on a table and made a formal duelling
challenge to ghutar.
118
ghIqtal
latlh raSDaq Sup ghutar, jatlh "wot'av, torgh puqloD! batlh qelDI'
tlhIngan, lumbe'. Do'Ha' DaHjaj betleHwIj'e' vInaw'laHbe'. wa'
munojqangchugh vay', DaH qaHay'." chuSqu'choH SopwI'pa'. qevDaq chen
gho chIm 'ej 'oHDaq QamtaH ghutar, wot'avHey[78]. nISwI', tajmey ghaj
'ach quv bopmo' betleHmey loS. tugh wot'av betleH qem maqoch. jIrmoH,
ghutar buQtaHvIS, 'ach HIvbe'ba'. ghutarvaD betleH much vay'.
Hemqu'choH nojwI' jatlhDI' ghutar 'ej tlhapDI'.
vanchuqta'DI' Hay'choH. QamchoHDI' HochHom bejwI'pu', ghobwI'pu'
leghchu'be' vajar. rut qev DungDaq 'etlhmey boch leghlaH 'ej lul 'e'
QoylaH. <'Iw!> jatlh qev.
raSDaq Sup Hota'ro'. "rIQ ghutar," jatlh. "betleH roQchoH."
jatlh vay', "ghIqtal!" jachchoH qev. "ghIqtal! ghIqtal!" raSDaq Sup
vajar 'ej ghutar legh, betleH pepqa'taHvIS. pa' lu'ellI' 'op Hung yaS
'ach nISbe'.
jop ghutar, betleH yanqu'. may' wabmey tIQ Qoylu'. 'etlh qIp 'etlh.
yoD qIp 'etlh. tlhuHqu' SuvwI'pu'. jach bejwI'pu'. pay' nom vIHqu'
'etlh. jachqu' qev ghIq tamchoH. pum porgh, betleH, latlh Doch je.
ravDaq lengtaH wa' Doch, DIngtaHvIS. tlhIngan nach 'oH. nach jIb
'uchchoH vay' 'ej pep. "Qachchu'!" jatlh. nach muchtaHvIS tlhe'moH.
ghutar nach 'oH'a'?
ba'choHpu'mo' 'op bejwI'pu' ghutar leghqa'laH. QamtaH. betleH nobHa'.
qabDaj So' 'Iw 'ach Say'moHmeH tlhay lo'. ghol 'Iw 'oHlaw' neH. chol
Hung yaSpu'. ghutar volchaHDaq ghop lan wa'. 'ombe' ghutar.
DochHa'law' jawtaHvIS. luDortaHvIS chev'egh qev. "ghutar! ghutar!
ghutar!" lubom[79] ghogh law'. ghutar lunaD.
vajar DujDaq batlh Hay'chugh cha' mangpu' nISbe' HoD. SuvtaHvIS
nISbe'pu'mo' Hung yaSpu' naDev Seng pIHbe' vajar. juStaHvIS ghutar, van.
Hota'ro'vaD jatlh vajar "nuqDaq QIDlu'? vIleghbe'pu'."
jatlh Hota'ro', "nach DopDaq rIQ. So' jIbDaj."
jatlh vajar, "Dujvam DaSov. 'ungya vavvaD QIn vIlI'ta'. jangpu'chugh
chay' naDev QIn vIHev?"
jatlh Hota'ro', "De'wI' pa' DaghoSnIS, qaH. SuchwI' chaw'lIjmo'
Dughov De'wI'. SoHvaD QIn tu'lu'chugh Duja'."
Dorqangbogh 'avwI' nejmeH Qam vajar. SopwI'pa' lojmItDaq 'avwI' chol.
jatlh "De'wI'pa'Daq DorwI' wIpoQ."
"lu' qaH," jatlh 'avwI' 'ej vay' rI'. loSmeH 'avwI' retlhDaq chobDaq
[161] Qam vajar. tugh paw wochbogh 'avwI' tIn. SopwI'pa'vaD jatlh
vajar, "Ha'! Hota'ro', HItlhej!"
---
SKI: ghutar accepts the challenge. vajar wants to check his e-mail.
----
[78] Any comments on this as "the guy who seemed to be wot'av"?
[79] Don't forget that it also means "chant."
[161] Who requires a je here? I feel happy without it.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120105/82e146d5/attachment.html>
More information about the Tlhingan-hol
mailing list