[Tlhingan-hol] nuq bop bom: 'ay' wa'vatlh wa'maH jav: <jabbI'ID>

[Qov]

vajar suddenly remembered that he had an important message to send.
-----
116

jabbI'ID

"HIja'," SIbI' jatlh 'avwI'. "HItlhej." pa'HomDaq Dev 'avwI'. pa' 
QumwI' cham tu'lu'. jatlh 'avwI', "naDev QInlIj yIqon. ngoq 
Dalo'nISchugh net chaw'. labbeHDI' qawHaqDaq yIpol 'ej Quv yIqon. 
tugh lI' QumpIn. vay' pav DalabnIS 'e' pIH ra'wI'ma'. chobDaq 
qaloSlI'." mej 'avwI'. vay' pav lab vajar 'e' loSmo' qImyal Sa' 
Dajqu' ghu'. 'avwI' ghuHmoHta' je! qImyalvaD jatlhDI' vajar pagh 
pegh, nepbe' 'a pegh pIHlaw'taH qImyal.

jIH tlhopDaq ba'choH vajar 'ej jatlh'eghrupmoH. qonwI' chu'. 
jatlhchoH. 'ungya tennuSvaD *Dugh* Qugh DelchoH. HanDogh, weHwI'pu', 
'ungya ta' je DeltaH. yoHmo' 'ungya *Dugh* toDta' 'a 'ungya 
lutoDlaHbe'. 'ungya Heghbat DelchoHDI' taj much vajar 'ej tlhay cha'. 
batlh Heghpu' 'e' 'olpu' Qel je. cheghlaHbe'mo' tey' 'e' pay vajar. 
HemlaHbej qorDu'Daj 'a ghaytan 'IQ je. taj SeQ ngeH 'e' lay' vajar. 
Duj Dotlh DelmeH jatlh, "*Dugh* lutI' wo' jonwI'pu' 'e' vItul." 
vanmeH jatlh "wo' wItoy'." mu'tlheghvetlh maSlaw' qImyal vaj jabbI'ID 
jIHDI' chaq belmoH. pagh ngoq lo'. Heghvetlh HemlaH wo' naQ. HoD 
'utlh Quv qonDI' vajar, pa' mej. loSlI'bogh 'avwI'vaD jatlh, "pItlh."

Sojpa'Daq vajar Dor 'avwI'. tInqu' pa' 'ej chuSqu'. pa' cha'vatlh 
tlhInganpu' lutu'lu' 'ej nay'na' SoptaH. ngopDaq Ha'DIbaH ghoQqu', 
qagh, pIpyuS pach je leghlaH 'ej qeyvaq Ha'DIbaH larghlaH. pa'Daq 
cha'maH cha' raS tIq tu'lu' 'ej Hoch raSDaq ba'taH HIp tuQtaHbogh 
tlhIngan SuvwI'pu'. Soj SuqmeH jengva' woH 'ej tebwI'pu' chol. Qaj 
tlhuQ, qagh, ghab 'ay' je tlhap vajar. ghab ngu'laHchu'be' 'ach 
'oHDaq ratlhmo' ghISDenHey ghaytan lung Segh 'oH. 'oHDaq chanDoq lIch 
tebwI'. jengva' buy' qengtaHvIS, Hota'ro' pong Qoy. pa' 'elpu' 
Hota'ro'. DujvamDaq toy'pu'mo' lughov 'op nuv. luparHa'law'. paw' 
'op. "Dujvetlh chu' DaparHa''a'?" jatlh vay'. jang Hota'ro' 'ach 
QoylaHbe' vajar.
----
SKI: vajar informs 'ungya's uncle of his nephew's death and then goes 
for some food.
-----
To heck with footnotes, just some discussion.

I'm not really happy with {labbeHDI'} as cannonically I think it's 
the {labwI'} that is {labbeH} no the {jabbI'ID} but, I like 
{labbeHlu'DI'}. Maybe it should be DalabrupDI'.

Maybe I shouldn't culturally have used the word {'IQ} here. We don't 
have a lot of words to express emotions for Klingons. Maybe they 
don't identify many. It's hard to imagine there not being something 
akin to sadness to learn that your beloved nephew had died.

I often used to write something like {tInqu' 'ej chuSqu' pa'} then 
reread it carefully and realize that the subject should come sooner, 
making it {tInqu' pa' 'ej chuSqu'}.  There are similar examples of 
the latter in canon--but I can't find any off the top of my head, I 
think they are in colour descriptions. I'm trying to write things the 
right way right away.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120102/221100a2/attachment-0001.html>