[Tlhingan-hol] ramwI'mey

[De'vID jonpIn]

lojmIt tI'wI' nuv:
> naDev pIj jatlhtaHmo' tlhInganpu' jIbelqu'. Qu'mey law' vItoy'mo' laDmeH
poH ghItlhmeH poH je vIHutlhpu'. vaj jItampu'. ragh laHwIj. vaj DaH jIqeq.

maj.  bIqeqmo' jIbel.  bIqeqtaHjaj.  ja'chuqlu'taHvIS tlhIngan Hol
lo'lu'DI' reH QaQqu' ghu'.

lojmIt tI'wI' nuv:
> DaHjaj jIrop. loQ jIbechlI', 'ach HeghlI' jupwI', vaj jIbepQo'. wejleS
jIpIvqa'. cha' nem Heghpu' jupwI'.

loQ qayajchu'be'.  cha' juppu'lI' DaDel, qar'a'?  HeghlI' wa' 'ej Heghpu'
latlh 'e' Daja'law'.

lojmIt tI'wI' nuv:
> nuH chu' vISuqta'. So'meH pu' 'oH. <<Para Carry>> ponglu'.
>
> not vISo'. chaw' vIghaj, 'ach loj poHDaj. nuH vISo' vIneHchugh, chaw'
chu' vIpoQ.

not DaSo', 'ach DaqengtaH'a'?  nuqDaq bIHtaHvIS DaqenglaHtaH?

lojmIt tI'wI' nuv:
> 'ach chaw' vISuqchugh 'ej yaHwIjDaq nuH vISo'chugh, Qu'wIj yaHwIj je
teqlu'. yaHwIj vIparHa' vaj not nuH vISo'. ghaytanHa' chaw' chu' vISuq.

{Qu'wIj yaHwIj je teqlu'} 'e' vIyajbe'.  nuq teqlu'?  Qu'lIj ghanglu' 'ej
yaHlIj DamejnIS 'e' DaHech'a'?

lojmIt tI'wI' nuv:
> yaHwIj vIghoStaHvIS, yoS Qob vIvegh. pa' nuH vISo'bogh vIghaj vIneH, 'ach
yaHDaq jIpawDI', nuqDaq nuH vIlan? qaqbe' ghu'.

Duj Daghajbe''a'?  yaHlIjDaq Hung yaH tu'lu'be''a'?

lojmIt tI'wI' nuv:
> 'IHqu' nuHvam. boch. loQ mach, 'ach vI' loSmaH vagh nIch lo', vaj
machqu'be'.
>
> pup chu'wI'Daj. tIq He, 'ach Habchu' 'ej tISchu'.
>
> jI'uchtaHvIS jIbel. pup jan 'oH. chenmoHlu'chu'pu'.

maj.  'IHbej nuHvam.

lojmIt tI'wI' nuv:
> vIlagh. vIlaghHa'. vIlaghqa'. vIlaghHa'qa'. jImon.

DalaghHa''a'?  pagh Damutlh'a'?

{laghHa'} lo'lu'chugh laghDI' Qagh 'e' vIQub.  ghaytan DalaghHa'be'.

(mu' chu' 'oH {mutlh}'e'.  qen wISuqpu'.)

lojmIt tI'wI' nuv:
> puq jIHDI' vavwI' nuHmey vIHaj. Hut ben jIHDI' Hegh vavwI'. not nuHmey
vIHajqa'meH, nuHmey vIghaj. vIyajchu'meH vIlagh 'ej vIlaghHa'.
yajlu'chu'DI' Hajbe'lu'.

{yajlu'chu'DI' Hajbe'lu'} 'e' vIparHa'qu'.  teHqu' vIttlheghvam.

lojmIt tI'wI' nuv:
> qublaw' pu'vam. law' neHwI'pu'. puS nuHvam. roD loSnISlu'. jIDo'.
>
> chu'chu'be' nuHvam, 'ach jIHvaD chu'. ngevqa'lu'. roD nuHvam Hutlh
Suyvam. 'ach jIDo'.

bIDo'bej.

--
De'vID
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120228/73738823/attachment.html>