<p>lojmIt tI'wI' nuv:<br>
> naDev pIj jatlhtaHmo' tlhInganpu' jIbelqu'. Qu'mey law' vItoy'mo' laDmeH poH ghItlhmeH poH je vIHutlhpu'. vaj jItampu'. ragh laHwIj. vaj DaH jIqeq.</p>
<p>maj.  bIqeqmo' jIbel.  bIqeqtaHjaj.  ja'chuqlu'taHvIS tlhIngan Hol lo'lu'DI' reH QaQqu' ghu'.</p>
<p>lojmIt tI'wI' nuv:<br>
> DaHjaj jIrop. loQ jIbechlI', 'ach HeghlI' jupwI', vaj jIbepQo'. wejleS jIpIvqa'. cha' nem Heghpu' jupwI'.</p>
<p>loQ qayajchu'be'.  cha' juppu'lI' DaDel, qar'a'?  HeghlI' wa' 'ej Heghpu' latlh 'e' Daja'law'.</p>
<p>lojmIt tI'wI' nuv:<br>
> nuH chu' vISuqta'. So'meH pu' 'oH. <<Para Carry>> ponglu'.<br>
><br>
> not vISo'. chaw' vIghaj, 'ach loj poHDaj. nuH vISo' vIneHchugh, chaw' chu' vIpoQ.</p>
<p>not DaSo', 'ach DaqengtaH'a'?  nuqDaq bIHtaHvIS DaqenglaHtaH?</p>
<p>lojmIt tI'wI' nuv:<br>
> 'ach chaw' vISuqchugh 'ej yaHwIjDaq nuH vISo'chugh, Qu'wIj yaHwIj je teqlu'. yaHwIj vIparHa' vaj not nuH vISo'. ghaytanHa' chaw' chu' vISuq.</p>
<p>{Qu'wIj yaHwIj je teqlu'} 'e' vIyajbe'.  nuq teqlu'?  Qu'lIj ghanglu' 'ej yaHlIj DamejnIS 'e' DaHech'a'?  </p>
<p>lojmIt tI'wI' nuv:<br>
> yaHwIj vIghoStaHvIS, yoS Qob vIvegh. pa' nuH vISo'bogh vIghaj vIneH, 'ach yaHDaq jIpawDI', nuqDaq nuH vIlan? qaqbe' ghu'.</p>
<p>Duj Daghajbe''a'?  yaHlIjDaq Hung yaH tu'lu'be''a'?</p>
<p>lojmIt tI'wI' nuv:<br>
> 'IHqu' nuHvam. boch. loQ mach, 'ach vI' loSmaH vagh nIch lo', vaj machqu'be'.<br>
><br>
> pup chu'wI'Daj. tIq He, 'ach Habchu' 'ej tISchu'.<br>
><br>
> jI'uchtaHvIS jIbel. pup jan 'oH. chenmoHlu'chu'pu'.</p>
<p>maj.  'IHbej nuHvam.  </p>
<p>lojmIt tI'wI' nuv:<br>
> vIlagh. vIlaghHa'. vIlaghqa'. vIlaghHa'qa'. jImon.</p>
<p>DalaghHa''a'?  pagh Damutlh'a'?</p>
<p>{laghHa'} lo'lu'chugh laghDI' Qagh 'e' vIQub.  ghaytan DalaghHa'be'.</p>
<p>(mu' chu' 'oH {mutlh}'e'.  qen wISuqpu'.)</p>
<p>lojmIt tI'wI' nuv:<br>
> puq jIHDI' vavwI' nuHmey vIHaj. Hut ben jIHDI' Hegh vavwI'. not nuHmey vIHajqa'meH, nuHmey vIghaj. vIyajchu'meH vIlagh 'ej vIlaghHa'. yajlu'chu'DI' Hajbe'lu'.</p>
<p>{yajlu'chu'DI' Hajbe'lu'} 'e' vIparHa'qu'.  teHqu' vIttlheghvam.</p>
<p>lojmIt tI'wI' nuv:<br>
> qublaw' pu'vam. law' neHwI'pu'. puS nuHvam. roD loSnISlu'. jIDo'.<br>
><br>
> chu'chu'be' nuHvam, 'ach jIHvaD chu'. ngevqa'lu'. roD nuHvam Hutlh Suyvam. 'ach jIDo'.</p>
<p>bIDo'bej.</p>
<p>--<br>
De'vID</p>