[Tlhingan-hol] mIl'oD veDDIr SuvwI': 'ay' cha' - 12. bIHeghvIpchugh, bIHeghpu'

[Rohan Fenwick - QeS 'utlh]

The slaves were sent out for a whole year looking for the warrior in the sabre bear pelt, and failed; so they have returned to tell roStevan.

Warnings: None. From here out I'll provide warnings only when they're needed (the whole story's probably only really PG to Qov's MA).

12. bIHeghvIpchugh, bIHeghpu'

jatlh toy'wI'pu': «'o 'utlh, puHmeyDaq malengpu', 'ach loDvetlh Qup wISamlaHbe'pu', vaj mabelchoHbe'pu'. yIntaHbogh vay' 'ej leghpu'bogh wIqIHbe'pu'; vaj latlh nab yI'oghneS, pItoy'laHbe'pu'mo' maH.»
jang 'utlh: «muvItba'ta' puqbe'wI' mob,» jatlh. «mIghbogh 'ej 'upbogh qa''e' vIleghpu' jIH; jaghwI' DameH ghaH mughoSpu'; mungeHba'pu' QI'tu'. tagha', pay' qechmeywIj 'It lughImlu', vaj DaH vISaHbe'choHlaH!»
jatlhDI', lop qaSqa'moHlu' 'ej ghurmoHtaH bel. Datvo' voDleH[1] quS'a' pa'Daq bom muchwI', qul mI'wI' lurItlu'; nobmey law' lunoblu'. not nobqangwI' nIv boghmoHta' QI'tu'! qaStaHvIS wanI', pa'DajDaq ba'taH 'avtanDIl, yIvbeHDaj neH tuQtaHvIS. bomtaH ghaH, loptaH, HurDagh yachtaH. tugh pa'Daj ghoS tIna'tIn toy'wI''a', 'ej jatlh ghaH: «DurIt voDleHwI', lav 'IH rurbogh porgh ghajwI', naghboch pup rurbogh qab ghajwI'.»
QInvam Dun QoyDI' 'avtanDIl, belqu'choH. QamchoH ghaH; nIvbogh wepDaj 'ej nguvqu'bogh tuQ'eghmoH. tagha' jul'a'Daj qIHmo' belqu'choH je; not nIteb tay'pu' 'avtanDIl tIna'tIn je. 'IHwI' bejlaHchugh 'ej bangDajDaq SumlaHchugh, belchoHbej vay'. HemtaHvIS 'ej jaqtaHvIS, tIna'tIn jaH 'avtanDIl'e'; paghmo' tuH ghaH. be'vamvaD pIj SaQpu', pIj 'IQpu', pIj 'Itpu'; DaH, tagha' leghlaH. ba'taHvIS nIvwI' ghajbe'bogh be'vetlh'e', 'IQlaw'. wov, 'ej chal 'ul rur; tlhoS maS luSo' tIHHeyDaj. porghDaj lang vel nItbogh veDDIr nIv; volchaHDajvo' HuS waghqu'law'bogh ngup tIS. 'ach 'IHmoHmeH 'ut neH qIjbogh 'ej tIq charghbogh Huy'Du'Daj'e', tIqbogh 'ej mongDaj Dechbogh jIbDaj'e' je.
Qublaw'taH 'ej tamtaH ghaH, ba'taHvIS 'ej choljaH Doq tuQtaHvIS. 'avtanDIl van ghaH, ghIq QamchoH 'ej pe'vIlHa' 'avtanDIl ba'choHmoH. nguqHa' 'ej vuvtaH 'avtanDIl, ba'DI'. bejchuq qabchaj; belchoHchu' 'avtanDIl, bangna'Daj bejtaHvIS.
jatlh loD: «'o muSeHchu'bogh be''a', chay' qajatlhlaH? jul ghomchugh maS'e', natlhlu'pu' 'ej ngabqu'law'. DaH jIHvo' mu'mey natlhlu'pu' 'ej ngabchoHlaw' yabwIj'e'. vaj Du'IQmoHpu'bogh wanI', DuQuchqa'moHlaHbogh mIw je HIjatlh.»

--------
[1] Henceforth I'm using voDleH instead of joH'a'. 'Cause I can. The petty lords will remain as jawpu'.
--------
SKI: roStevan decides the warrior in the sabre bear pelt was just an evil spirit, and so calls for the celebrations to start anew. But tIna'tIn isn't so sure and summons 'avtanDIl to her to help ease her heart's continuing pain.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120821/0022f4e8/attachment.html>