[Tlhingan-hol] mIl'oD veDDIr SuvwI': 'ay' cha' - 11. yIvoq 'ach yI'ol

[Robyn Stewart]

On 2012-08-20, at 5:32, Rohan Fenwick - QeS 'utlh <qeslagh at hotmail.com> wrote:

> roStevan's mood was buoyed by the heartening presence of his daughter, and so he proceeds to tell her of the reason behind his upset.

Awww. 

> 11. yIvoq 'ach yI'ol

Daj. nuq 'olnISlu' ...

> jatlhtaH 'utlh.

maj. luchevlu'pu'mo' 'ay'mey De'vetlh Daja'nISqa'.

> «DaHjaj Dunbogh SuvwI' Qup 'ej 'IHbogh vIqIHpu'.

Daj. not mangghom ra'wI'Daj qIHlaw'pu' roStevan', 'a voDleH mojmo' tIna'tIn, pIj SuchlaH 'e' Har 'avtanDIl. 

> 'u', qo' Hoch HeH je wovmoHlaw' ghaH, 'ach SaQtaH.

toH. 'avtanDIl qelbe'. chotwI' qel. SaQtaHvIS neH loD, laH chovlaHbe' roStevan vaj nuq chov? 'IH'a' nov? chaq Rambo rur. ineghDaj HoHDI' laH chov. po' 'ach Dun'a'? roStevan, do you have a thing for pretty, troubled warriors? Here I thought he was upset because he had foolishly ordered his beloved and trusted household servants to their deaths when really he's just mad he didn't get to make the acquantaince of their murderer. 

> ghaH 'IQmoHpu'bogh wanI' vIngu'laHbe', ghaH SaQmoHpu'bogh nuv vIngu'laHbe'.

chaq tIna'tIn 'IH leghpu' 'ach not ghajlaHmo' SaQ. 'a wanI'vetlh SaHbe' tIna'tIn. chaq 'avtanDIl neHqu'. 

> mujatlhQo' 'ej mughoSQo', vaj vInuQchoHlu' 'ej ghaHvaD jIghoHchoH.

boHchoH DaHech'a'?

> «muleghDI' ghaH, SarghDajDaq toS 'ej SaQpu'mo' DoqchoHpu' mInDu'Daj 'e' So'choH. jonnISlu' 'e' vIjach. ghIq toy'wI'pu'wI' Qaw'qu'chu',

Well at least he mentions the apparently trivial fact of their deaths. 

> 'ej pay' ngab. veqlargh rur; nuvna' Dabe' 'ej muvanQo'.

Oh yeah, roStevan, that's really the worst part, he didn't salute you. 

> loDna' ghaH pagh nIyma' ghaH DaH 'e' vISovbe'chu'. tagha' DunHa'choHpu' QI'tu' pungmey pov; Hu'meywIj bel'a' vIlIjchoHpu'. mu'IQmoH ngIq leS 'ej mubelbe'choHmoH. nI'chugh ratlhtaHbogh yInwIj pagh ngajchugh 'oH, ram; not jIbelqa'.»

I wonder if he says that when his toast is cold, too. 

> jang puqbe'Daj. jatlh: «mu'mey qajatlhbogh DaQoy 'e' yInID. 'o 'utlh,

<<loD yIDa jay'!>>

> qatlh San QI'tu' joq Dapum? DutIchlaw' QI'tu' Hoch chay' 'e' Dabep? SoH DuchenmoHta' je! qa' quv, qa' mIgh je chenmoH QI'tu', 'ach chenmoHpu'DI', qa'pu'vetlh SeHbe'. Hom Ha'DIbaH je

ghunchu'wI' is against that use of Ha'DIbaH but I'm fine with it.  I think it's living or very recently living flesh. 

> loD ghaHchugh SuvwI'vetlh'e', qo' lengwI' ghaHchugh, luleghbejpu' latlh nuvpu', 'ej nIboQbej 'e' vIpIH. Hom Ha'DIbaH je loD ghaHbe'chugh, qa' mIgh ghaHba', bellIj SujmeH SoHvaD narghpu'bogh qa' mIgh'e'. vaj yI'IQHa''eghmoH; qatlh bI'ItchoHpu'?

Snap out of ot already, okay?

> «qaqeSneS jIH: joH'a' SoHpu',[1] 'utlh quvqu' SoHtaH. jawHompu'[2] Dara'. Hopqu' wo'lIj HeH, pupqu' HoSlIj laH. DatDaq toy'wI'pu' tIngeH, chaHvaD lutlIj yIja'moH. jub loDHey

> Daleghpu'bogh pagh jubbe' ghaH tugh 'e' DaSovchoHchu'. »
> vaj toy'wI'pu' law' ra' roStevan, 'ej qo' Hoch HeHDaq ngeH. chaHvaD jatlh: «pejaH, Hoch DuH yI'ol! loDvetlh Qup yInejlI' 'ej yIwamlI'; lIbotjaj pagh. yoSmeyDaq bojaHlaHbe'bogh, vengmeyDaq bo'ellaHbe'bogh je QInmey tIlI'.»

That would be clearer were it yoSmeyDaq bojaHlaHbe'chugh ... I'm not quite getting rhe connection between bo'ellaHbr'bogh and QIn. 

> mej toy'wI'pu' law', jaH, Hoch DuH lu'ol. qaStaHvIS wa' DIS lengtaH.[3]
> Qupbogh loDvetlh Huj lunejlI' 'ej luwamlI', nuvpu' ghel, nuvpu' ghelqa', nuvpu' ghelqa'qu'. qo' HochDaq loD Qup leghpu'bogh vay' lutu'laHbe'qu'chu'. lujpu'DI' chaH, Doy'taHvIS 'ej yonHa'taHvIS roStevanDaq chegh.

vaj qa' ghaHlaw'. yIleS, roStevan. 

> --------
> [1] Still feels a little weird putting -pu' on a pronoun-as-verb.
munuQbe'. 
> [2] Though in the original Tinatin is the monarch of Arabia (the Georgian word is /mepe/ "king"), voDleH/ta' seems a little too much, since the story involves several rulers of various Sepmey. So tIna'tIn is the joH'a', and the petty lords she rules over, I'm calling jawpu' (I know joH and jaw are synonyms, but making them distinct makes the terminology a little less confusing).

I'm totally happy with her as voDleH. There's no higher authority, right?

> [3] Reminds me of "The Princess Bride", in which three years of events are handwaved with a single sentence: "What with one thing and another, three years passed."

My dissatisfaction with my options for saying things like, "a week after that" is part of the reason for the density of events on the nuq bop bom timeline. 

> --------
> SKI: roStevan explains the post-hunt events; tIna'tIn rebukes him for his self-flagellation and reminds him that he has an entire realm of people who could help him find the elusive warrior in the sabre bear pelt.

val be'vetlh. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120820/8b7696b3/attachment-0001.html>