[Tlhingan-hol] mIl'oD veDDIr SuvwI': 'ay' cha' - 9. DabuQlu'DI', yISuv

[Rohan Fenwick - QeS 'utlh]

The warrior in the sabre bear pelt has just been confronted by roStevan's slaves and treated them with, as my grandmother would say, complete ignore. So they try and capture him.

Warnings: Violence, injury and killing. No gore though. Qov'll be disappointed.

9. DabuQlu'DI', yISuv

SarghDajDaq toS – qatlh toy'wI''a'pu' SoQ buSnIS ghaH? pa'vo' mejchoH SarghDaj lIghtaHvIS. chaHvaD jangQo', chaHvaD De' luSovnISbogh 'angQo'. SuvwI' lutlhapmeH lucholchoH toy'wI''a'pu'; 'ej chaH HIv SuvwI'.
Do'Ha'! chaH vupbej juppu'chaj'e' jaghpu'chaj'e' je. wa' toy'wI''a' qIpmeH SuvwI' ghanjaq'a'Daj lo'; latlh toy'wI''a'Daq pum toy'wI''a'. ghopDaj pepbe'taHvIS HoH SuvwI', ghanjaq'a'Daj QachtaHvIS 'op chaH qIpchu', roDu'chaj QIDchu'. bejtaHvIS QeHqu'choH 'utlh, 'ej moghchoH. toy'wI'pu'chajvaD jach. loD Huj'e', ghaH 'emDaq bejbe'qu' 'ej cholta'pa' tlha'lI'bogh nuvpu', chaH buSbe'. juSchoHDI' ngIq tlha'wI', ngIq HeghmoH loD Huj, ghanjaq'a' QachtaH, tlha'wI' lomDaq tlha'wI' lom woDtaH. bey jach SotchoHbogh roStevan 'utlh. SarghmeyDajDaq toS roStevan 'avtanDIl je, 'ej loD Huj lutlha'choH chaH. Hemlaw' 'ej nguqlaw' loDvetlh; Sargh quSDaq ba'taHvIS, poSvo' nIHDaq, nIHvo' poSDaq DavtaH; tlhoS puvlaw' SarghDaj'e' qettaHvIS 'oH. Hatlh wovtaHmo' jul, ghaH tlha'lI' 'utlh 'avtanDIl je pay' 'e' tu' loD Huj.
tu'DI', SarghDaj 'o' mupmeH ghanjaqDaj lo'. ghIq ngabchu', leghlaHbe'chu' vay'. ngechDaq ghIrlaw'pu', chalDaq Sallaw'pu'; lunejtaH 'avtanDIl roStevan je, 'ach HeDaj lutu'laHbe'chu'. yav lu'uypu'bogh qamDu'Daj SamtaH 'e' lunID, 'ach lujchu'mo' SIvtaH chaH. vaj narghta' loD Huj 'ej ngabta'; qa' rur. Heghpu'wI'pu'DajvaD beymey jach negh[1]; rIQpu'wI'pu'DajDaq Sevmey qat negh. jatlh 'utlh: «pay' belHa'meH meq vItu'pu' jay'. 'u'vaD yapchoHlaw' bel vIghajpu'bogh, vaj belwIj wejwa' 'eyHa'moHlaw'ta' 'u'. qa'wI' QIDlu'chu' 'ej vorlaH pagh. 'e' neHqu'ba' qeylIS qa' 'ej Sanvetlh vIjunQo' jIH.»
--------
[1] I got a bit confused as to whether inherently plural nouns also take singular possessive suffixes: so negh Sarghmey = SarghmeyDaj. This is how I'm presuming it works.
--------
SKI: The slaves try to accost the warrior in the sabre bear pelt, with violent results.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120818/42235600/attachment.html>