[Tlhingan-hol] Ha'DIbaH pong chu': la'SIv

[Felix Malmenbeck]

I was conversing with Marc Okrand, recently, and he was kind enough to reveal the name of one of my favorite animals:

{la'SIv}
(or {tera' la'SIv}, when speaking of the Earth variety)

You'll find the translation of this word below, but first an old story:

QIt Suypu' Daq jaHlI' la'SIv, ghomDI' targh Hem. QIt yIttaHmo' la'SIv, ghaH vaqchoHpu' targh.
'ach Hem je la'SIvvam 'ej targhvaD jatlhta', mach qamDu'wIj 'ach ma'ovchugh Do qaD vIQaplaH.
targh luHaghmoHpu' mu'meyDaj 'ej jatlhta' targh, ngeDbej qaDvam! vIlaj!

wa'leS juH vengHomchaj veHDaq ghomchuqta'. qaD loHwI' ghaH Sargh joH'e'. Hopbogh nagh tIn ngu'meH SIqta' ghaH 'ej jatlhta', ghochraj 'oH nagh tIn'e'. QapwI' tu'meH pa' loSlI' puqbe'wI'. Sara'DI' peqetchoH.

DaH!

SIbI' ghoSchoHta' 'ovwI'pu'. nom qettaH targh 'ej QIt yIttaH la'SIv. wa' tup pIq He bID ghoSta' targh. 'emDajDaq bejta' 'ej HoptaH la'SIv 'e' tu'pu'. vaj HaghtaH targh.
tujmoHtaH pemjep jul 'ej targhDaq Sum Sor. Qubpu' targh, qaD vIQapbejmeH HoSwIj naQ vIlo'nISbe'. Sorvam QIbDaq loQ jIleSlI'. ghIq jIqetqa'lI'.
vaj Sor jaHta' targh 'ej leSchoHta'. leSlI'. QongchoHpu'. QongtaH.

'op lupmey pIq vempu' targh 'ej qetchoHta'. Qapchu' ghaH 'e' pIHtaHmo' QuchtaH. tugh mIytaH ghaH 'ej Ho'lu'taH.
wa' tup pIq nagh tIn pawta' targh 'ej Sargh joH puqbe' vanta'. Hemqu'taH 'ej mI'taH neHtaH. vaj naghHey Sum yorDaq pawmeH Supta'. 'ach mI'choHpu'DI' tugh Qompu' 'ej pumpu'.
jatlhta' targh mIS, qaSpu' nuq?
chovemmoHpu', jatlhta' la'SIv.

Hem cha' 'ach nguq wa' mob.
teHbe' lutvam 'ach teH qonwI' paQDI'norgh: yIHem 'ach yInguqQo'!







...soooo, anyway:

ghItlhta' Hol qonwI''a',
> Maltz told me about a Klingon animal that's kind of turtle-like called a la'SIv.  So maybe "turtle" is tera' la'SIv.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120803/dc149174/attachment.html>