[Tlhingan-hol] mIl'oD veDDIr SuvwI': 'ay' 3 - nIteb SuvnIS DevwI'

[Rohan Fenwick - QeS 'utlh]

tugh latlh QInmey vIqon 'ej vIngeH. 'ach DaH, taH lut.

tIna'tIn has just been crowned Queen of Kol'vat Province. (This section's fairly short; it was the only good place to naturally end the 'ay'Hom.) Warnings: None for the moment.

3. nIteb SuvnIS DevwI'

qaSpa' wanI'vetlh, jot tIna'tIn joH 'ej qIm. 'ach luvan vavDaj ghom'a' je 'e' leghDI', luvuvmeH ghebmey lurIlchoHlu' 'e' QoyDI', luquvmoHmeH naD bommey lujachchoHlu' 'e' QoyDI', chu'bogh patlh 'ej quvbogh qotlhbe'bej pay' 'e' QubchoH ghaH. «chay' vavwI' ngup'a' vIgheSlaH jIH?» jatlh'egh. qIjbogh mInDu'Daj[1] 'ej notqa' tel[2] rurbogh SoQmoH 'ej SaQchoH.
jotHa'choH puqbe'Daj 'e' tu' roStevan 'utlh, vaj puqbe'Daj qeSmeH chol. «Hoch vav cho' puqDaj, 'ej jIH chocho'pa' SoH, jotlaHbe' tIqwIj'e',» jatlh. «vaj yISaQQo', puqbe'wI', 'ach qeSwIj yIbuS. DaHjaj qolvat joH SoH; qaSughta' jIH, 'ej pIlajta' Hoch maH. DaH Sep qumvaD SoH Davoqlu'. tlhoy yImunQo', yInguqHa''eghmoH, batlh yInoH. reH potlhwI'vaD ramwI'vaD je pung yIcha'; chalqach pIgh je wovmoHlaH jul. ta' quvmo'[3], tlhabHa'qangchoH nuv tlhab, 'ej lobqangchoH nuv tlhabHa' 'e' chaw'. bIQ'a'Daq ghoSbogh bIQtIq rur nob Danobbogh: cheghbogh yu'egh qaSmoH bIQtIq, bIQ'a' SIchDI', 'ej nob DanobDI' SoHDaq cheghbej je. 'u' chenmoHpu'bogh QI'tu''e' rur SepvaD nobqangchu'bogh joH; 'urwI'pu''e' matlhchoHmoHlaH 'ej lobchoHmoHlaH. lI' Soj 'ej rach, 'ach Soj pollu'chugh, nuq chav? nob'e' Danobchugh, Dutoy' lo'Daj; 'ach nob'e' Dapolchugh, Dulon lo'Daj!»[4]

--------
[1] With no word for "eyelash", it's tIna'tIn's eyes that are black. ramqu'.
[2] The original Georgian is /q'ornisa bolo-prtata/ "raven's tail feathers". notqa' is just too good for "raven".
[3] voDleH, vay' rIn joq. wIvlaH laDwI'.
[4] roStevan loves a good aphorism; some are a bit obscure even in the Georgian and I hope the Klingon isn't too opaque.

SKI: tIna'tIn's discomfiture causes roStevan to offer sage advice.


QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120801/0ec0a55a/attachment.html>