[Tlhingan-hol] nuq bop bom: 'ay' wa'vatlh SochmaH wa': pIHpu'

[Qov]

Hota'ro' explains why she did poorly on the second ship she served 
aboard, but points out that she endured all her punishments on Dugh.
----
171: pIHpu'

"jISov," jatlh vajar. "meHDaq bIQongchoHDI' <qatlh bIj Daqotlh> 
jIjatlh 'ej bIjangDI' jIQeHchoH. Daqaw'a'?"[64]

jatlh Hota'ro', "HIja', HoD. Hoch DuHmey vIqelta'DI' meqlIj vIloypu'."

jatlh vajar, "DuHvetlh Daperchugh ngugh chay' jIvang 'e' DapIH?"

jatlh Hota'ro', "chomup 'e' vIpIH."

jatlh vajar, "vaj qatlh bIjatlh?"

jatlh Hota'ro', "cha' Qu' potlh vIghaj. Duj vItoy'nIS 'ej HoD 
vIlobnIS. tlhochchuqchugh Duj vItoynIS 'ach ... Qu'wIj vIta'chu'chugh 
ram bIj."

jatlh HoD, "bIchechtaHvIS jaS bIjatlh."[63] Hagh ghutar. Hota'ro' 
mu'mey qawlaHlaw'. HIq law' SIQlaH ghutar.

QeHtaH vajar. qImyal, loDpu'vetlh je HoHrup. jatlh, "naDev, motlh'a' 
bIjqoqvetlh?" mujchu'. SaHbe''a' yaSpu'Daj? SaHbe''a' 'avwI'pu'Daj?

jatlh Hota'ro', "jISovbe'. SIQpu'chugh latlhpu' mujatlhbe'pu'."

jatlh ghutar, "Hung mIw mub 'oHbe'. 'a ra'ta'mo' HoD'e' HeSbe' 
jeSwI'pu'. quvHa''eghmoHbej 'ach Hatbe'." bIj wIvlaH HoD 'ej DIbvetlh 
nISlaHbe' ngup.

jatlh vajar, "qatlh cha'Hu' chobDaq gharon DaHoHbe'ta'? DuQorghbe'bej!"

jatlh Hota'ro', "pIch ghajbe'. lobbe'pu'chugh ..." mu'tlhegh 
rInmoHbe' Hota'ro' 'ach naSba'mo' qImyal, 'utbe'. jatlh Hota'ro', 
"vIvup 'ej vImuS. QIpmo' mu'meyDaj, vI'oy'moH."

chollI'bogh tlhIngan be' legh vajar.. Hurghqu' DIrDaj. HIp tuQbe'taH 
'ach SomrawDu' HoS 'ang yIvbeHDaj nov. tlhIngan yopwaH tuQtaH 'ej 
jIbDaj tIqDaq tI law' [262] leghlaH vajar. wIjwI' ghaHlaw'. pawDI' 
jatlh vajar, "tej wInejlI'. 'eSSIm ponglu'. nuqDaq ghaHtaH?"

jatlh be', "yuQvam Dab wa' tlhIngan neH. 'eSSIm jIH. vajar HoD 
SoHba'. Sotlaw'rajmo' qaghov, 'ej murI' Qugh Qel." yaS wa'DIchDaj, 
HungpInDaj je lIH vajar.

jatlh 'eSSIm, "Ha'. matlhutlhjaj lutraj boja'taHvIS." DevchoH 'ej 
tugh qachDaj machDaq ba'taH ghom, HIq ngaSbogh HIvje'mey 'uchtaHvIS. 
lutmey ja'choH vajar.

rewbe' ghaHmo' 'op QI' De' nopnIS 'ach bepbe' 'eSSIm. Hoch lutmey 
qImqu'. tlhaQDI' Hagh. SeyDI' nogh 'ej jach. HIq qangtaH 'ej Hoch yaS 
vuvqu'. ta'meychaj naD 'ej Ho'. qatlh QI' muvbe'ta' 'eSSIm? SIv vajar 
'ach tlhobbe'. may' bommey bom 'ej tlhIngan chaH. Quchqu'law' 'eSSIm. 
vajar parHa' 'e' noH vajar.
---
SKI: vajar, Hota'ro' & ghutar regale 'eSSIm with tales of their 
heroic exploits.
----
[63] ngugh jatlh Hota'ro' "Duj vItoy'meH jIvang. chonuQchugh 
Sa'HutlIjDaq yIghoD."
[64] ngugh jatlh Hota'ro' "San DaSeHlaHbe'mo' vay' Da'oy'moH DaneH'a'?"
[262] You know why she has vegetation in her hair, unless the 
interwoven timeline has becme too tangled.

Wow, those are some low footnote numbers. The bridge tape scene was 
originally much earlier in the story.