[Tlhingan-hol] nuq bop bom: 'ay' wa'vatlh SochmaH: vajar SoQ
Qov
robyn at flyingstart.ca
Mon Apr 23 08:12:46 PDT 2012
If you didn't heed the warning on 166, read it and then regretted it,
I want to assure you that the story isn't continuing down that path.
While part of my intention with this saga was to show that there is
nowhere tlhIngan Hol cannot go, there is no reason for it to dwell in
an unpleasant place. There are a few 'ay'mey covering how the
incident has affected Hota'ro' since, tying it to its place in the
story, and I hope you'll think, "ah, so THAT'S why she did that!" a
few times, and forgive me. There are more battles to fight, stories
to tell and alcoholic beverages to consume.
---
lutwIj lotmey DIqelmeH, maja'chuq jIH loDnalwI' je:
Him: Can there be more happy ponies in your story?
Me: Is that a request?
Him: No, you'd only torture them, anyway.
Me: Well, yeah, I guess the Klingons would eat them. But I could kill
them humanely.
---
vajar, ghutar and Hota'ro' have just beamed down to gharben loS, and
Hota'ro' is ashamed of her loss of self-discipline which her captain witnessed.
---
170: vajar SoQ
jatlh Hota'ro', "jIquvHa''eghmoHpu'."
DaH QaHlaH vajar. jatlh, "may' law' vISIQpu', Sogh. bechtaH SuvwI'
law' 'e' vIbej. QaptaHchugh Hugh, taghDu' je, jach. quvHa'moHbe'
SuvwI'. wIch 'oH SIQlaHchu'bogh SuvwI''e'. DupIlmoHjaj qechvetlh,
'ach Dachavchu'be'DI' yItuHQo'. 'oy'mo' jIjachpu' 'ej 'oy'mo'
jIjachqa'. HeghtaHvIS SuvwI' qatlh majach? Dapojpu''a'? jach
HeghlI'bogh SuvwI' 'e' wISo'meH majach. not chID vay' 'ach teH. nuch
SoHbe'bej." wa'vatlhlogh ghuv tuHvaD SoQvetlh ja'pu' vajar. chutmey
nap pab batlh 'e' luHar QupwI'pu'. nuH rurbe' quv. qaStaHvIS may'
nge'laHbe' jagh nIv. bong quv chIllaHbe' vay'. jatlh, "qImyal Sa''e'
quvHa'qu'moH tavetlh. bItoy'taHvIS batlh yIvang 'ej wanI'vetlh yIlIj."
"DalIjlaH'a' SoH, qaH?" jatlh Hota'ro'. "DaH choleghDI' reH Daqaw.
bIquv SIbI' net Sov. Dutoy' quvHa'wI' DaneHbe'. bIquvHa'be' bIjatlh
'a chovoqnISDI' meHvetlhDaq jIqoy' 'e' Daqaw 'ej latlh yaS Davoq.
jIpuj 'e' DaSovmo' not chovoqchu'. vISov, HoD. jIvoq'eghqu'qa'laHchu'be'."
jatlh vajar, "bIyoHqu' reH 'e' vIqaw. DaH yaS wa'DIchwI' SoHtaH 'ej
ropyaHDaq jIHtaHvIS HoD DagheS. qavoq 'e' tobbe''a'?"
jangbe'bej Hota'ro', jatlh "Duj vItoy' 'e' vInID. ghopDap mIch vIghoS
'e' ra'qa'DI' Sa', nI'moHmeH begh tI'meH poH, SeHlaw vIngaQmoHta'.
ghaytan begh chu'qa'laHta' jonwI'pu', ngoq SamlaHpa' Sa'. vISovbe'.
jISaHbe'. ropyaH vIghoSmeH muDor gharon, latlh je."
gharon'e' qaw vajar. pupta'DI' Hota'ro', <Hegh vIqotlh> jatlhpu'. vaj
gharon ghaH wa' HIvwI''e'. wanI' buStaH Hota'ro' neHbe' vajar, ach
nuqjatlh? jatlh, "nIDor'a' nIHIvta'bogh loDpu' jay'?"
jatlh Hota'ro', "HIja'. jIreghtaH 'ej jIyItlaHqu'be'. chobDaq mulon
luneHbe'. muQorghtaHvIS Qel, <HaqwI' le' DapoQ> jatlh. waw' ropyaHDaq
muQay 'ach Qaghlaw'pu'. pa' HaqwI' vIpoQbe' net jatlh.
jIvumrupchoHDI' mejpu' may'Duj. chaq mutob Sa' 'ej jIlujmo' mulon.
latlh DujDaq vItoy'choH 'ach SeHlawwIj vIHotDI' ... vIqaw 'ej
jIjaqHa'choH. jIQublaHchu'be'mo' pIj jIQagh 'ej muvoqbe'choH HoD.
vIQayqa'lu' jIjaqchu' 'e' vI'Ip. rut jIbachHa' 'ach reH bIjwIj vIlaj."
----
SKI: vajar gives Hota'ro' his well-used speech to recruits who think
they have shamed themselves, and learns that he has spoken with one
of Hota'ro''s attackers.
More information about the Tlhingan-hol
mailing list