[Tlhingan-hol] nuq bop bom: 'ay' wa'vatlh javmaH wa': qaH'eng nob
ghunchu'wI' 'utlh
qunchuy at alcaco.net
Tue Apr 17 18:39:37 PDT 2012
On Tue, Apr 10, 2012 at 4:32 PM, Qov <robyn at flyingstart.ca> wrote:
> vajar had just enjoyed the services of a escort to his quarters ...
'oy'
> 161
> qaH'eng nob
>
> vem vajar. mejpu' be'tlhar 'ach be' larghlaHtaH 'ej chopqu'mo' loQ 'oy'taH
> qevpobDaj.
bIpo'qu'. pagh cha'taHvIS, tlhuHmoH lut.
> Hu' 'ej puchpa' Sam.
mejta' DorwI', 'a puchpa'Daq yItmeH Do' 'utbe' DorwI'.
> cheghtaHvIS chobDaq ghutar tu'. chech. jatlh
> "HoD! pISamta'!"
>
> SaH je Hota'ro'. loQ chechlaw' ghaH je. jatlh Hota'ro, "Dutlhap Hung la' net
> jatlh. roD Dorbe' la''e'. poStaH lojmItlIj 'ej SaH 'Iw. Daqoplu' 'e' wIHaj."
chay' vajar pa' lughov? toH, De' SuqlaHba' ghutar'e'.
> jatlh vajar, "qay' pagh. muSujbe' Hung."
>
> jatlh ghutar, "bIrIQ, HoD." qevpobDajDaq SIq'egh ghutar.
chun QupwI'.
> mon vajar. HaghchoH Hota'ro'. jatlh vajar, "'op Hung mIw vItIvqu'. Hota'ro',
> nuqDaq ghaHtaH banglI' 'IH'e'?"
>
> jatlh Hota'ro', "meH chachqoqmo' vumnIS. DaH ghem wISop. ghotlhej!"
>
> SopwI' pa' lughoS. SoptaHvIS, paw qaH'eng.
ngabba'pu' chachHey.
> Soj Suqta'DI', Hota'ro' retlhDaq
> raSDaq nay'mey lan, ghIq vajar chol. ngaSwI' mach much 'ej jatlh "SoHvaD
> vay' vIchenmoHta', vajar HoD."
(qatlh qoghvo' HuSbogh tajHommey mach vIpIH?)
> ngaSwI' poSmoH vajar. cha' Dochmey nIb legh. mepDaq 'ul SIrghmey,
> HoSchoHwI'HommeyHey[152] je lutu'lu'.
cha' mu' bIHbe''a' <HoS choHwI'>'e'?
> DaqwI' cham qawmoH. tlhuQ ghajbogh gho
> bID rur. "nuq bIH?" jatlh vajar.
>
> jatlh qaH'eng, "QoymoHwI'mey bIH. teSDu'lIjDaq tIlan, HoD." qogh 'angmeH,
> vajar jIb yuvchoH.
(toH, DaHjaj jabbI'ID pImDaq QoymoHwI' DapongDI' tlhoS vIyajbe'.
qanwI' DaqelDI' SIbI' vIyajchu'. DaH mu' vIghov.)
> qu'choHDI' vajar loQ DoH qaH'eng Hota'ro' je. pe'vIl jatlh Hota'ro',
> "QoymoHwI' bIH. bIQoychu' 'e' boQ."
>
> pIH vajar. beqvaD Qel De' 'angbe'pu'. vajar'e' QoymoH'a' janvam, pagh
> DaqwI'pu''e' QoymoH'a'? jatlh "qay'choH teSDu'wIj lIjatlh 'Iv?"
jISIvtaH je.
> bejchuq Hota'ro' qaH'eng je. jatlh qaH'eng, "juSuchtaHvIS vItu' 'ej 'olpu'
> Hota'ro' ghutar je, qaH."
>
> jatlh ghutar, "SoHvaD pe'vIl majatlhnIS 'ej QumwI' DalISDI' chuSqu', HoD."
>
> wa' jan woQ vajar 'ej nuD. jatlh qaH'eng, "poSDaq yIlan."
vajar teS Duy' 'arghmoHlaH'a' jan? Qel yu'nIS.
> leQ mach chu' vajar 'ej qaH'engvaD nob. QIt vajar poS teSDaq jom. 'oy'be'.
> "DaH choQoylaH'a'?" jatlh Hota'ro'.
<maj> oHbe'chugh Hota'ro' mu' veb, jIbelHa'.
> [152] The strongest argument against using a word like that: every time
> since that I've tried to use the word HoS, autocomplete eagerly offers
> HoSchoHwI'HommeyHey.
I wonder how well autocomplete does in German.
-- ghunchu'wI'
More information about the Tlhingan-hol
mailing list