[Tlhingan-hol] nuq bop bom: 'ay' wejmaH chorgh
Qov
robyn at flyingstart.ca
Wed Sep 28 23:04:52 PDT 2011
I will be disappointed in myself if there are as many errors here as
last time, but I still want to know what you find.
In the last installment the captain and FO had settled on a plan and
stopped only just short of arm wrestling to determine who would implement it.
38
HoD pa' lumej 'ej meH lu'elqa'. "Dotlh!" jatlh HoD
jang Hota'ro' "pagh."
"DeghwI'," jatlh yaS wa'DIch, "Dotlh neHDI' HoD, Dotlh yIja'bej: reH
Do, He, yIjatlh. choHpu'chugh vay' yIra'. Dugh DachIjchugh bIDugh 'e' yIDa."
jangmeH Qam DeghwI' 'ach tamqu'mo' mu'meyDaj Qoybe' HoD. Qoylaw'pu'
'ungya. Hota'ro' qab qIpqu' 'ungya ro'. junbe'chu' DeghwI'. Qam neH
'ej bIj laj. nechqu' nachDaj. pumbe'mo' be', HoD merlu'. jatlhqa'be'
DeghwI'. ba'qa'taHvIS regh qabDaj 'e' leghlaH HoD. DeghwI' buSHa'choH
HoD 'ej meH mejtaHvIS yaS wa'DIch tlhej. SoQqa'DI' meH lojmIt jatlh
HoD. "nuq jatlh DeghwI'?"
"jIcheghDI' qajatlh," jang yaS wa'DIch.
logh Sut, tlhegh, Hoqra', pu'HIchmey, latlh luch je yIr 'ej mIch wej
lujaHpu'. logh Sut tuQmoH yaS wa'DIch ghIq mIv tuQmoHmeH boQ HoD. mIv
SoQmoHpa' "Qapla'!" jatlh, ghIq meH ghoS.
qIQrup Hota'ro' 'e' pIH 'ach meHDaq ba'choHDI' HoD jatlh Hota'ro',
"HoD!" 'ej Dotlh naQ ja'. vaqchugh 'ongqu'. 'Illaw'.
"maj," jatlh HoD. "lojmIt cha' yIngaQmoH. mIch wejvaD muD yIlel. yaS
wa'DIch yInroH yIjIH. HaStaDaq."
"lu' HoD," jatlh DeghwI' 'ej Hoch 'ol ta'taHvIS.
mIch wejDaq yaHDI' muD SIbI' Dotlh chu' ja' DeghwI'. 'ungyavaD Qum
HoD, jatlh "yIvIHrup." cha'logh lojmIt wej ngep, ghIq HaStaDaq
poSchoH lojmIt wej, vegh yaS wa'DIch yInroH 'ej SoQchoH lojmIt wej
'e' lubej. vangtaHvIS 'ungya, meHvaD Hoch Del. Qap tlham. choQDaq
tlhegh 'e'rIn baghlaw'pu' ghutar 'ej retlhDaq tlheghDaj'e' bagh yaS
wa'DIch. puchpa' 'elpu'DI' yay'. poSqu' Som. wej 'uj 'ab 'ej loS 'uj
juch Dachbogh Som. Dachlaw' ghutar. ravDaq ghutar tlhegh tlha'
'ungya. Som Qargh vegh megh'an.
---
SKI: The FO surveys the situation in the now-famous bathroom.
All previous 'ay'mey available at http://nuqbopbom.blogspot.com
More information about the Tlhingan-hol
mailing list