[Tlhingan-hol] Hogh(mey)vam qaSpu'

[Brent Kesler]

jIcheghta'mo' jIbel.

cha' Hoghmey ret, Sawta' jupwI'. cha'DIchDaj vIgheSta'. wanI'vam leghmeH,
vermontvo' ghoSta' latlh jupwI'. qaStaHvIS wa' Hogh, muSuch 'ej HuDmey puS
DIyItta'. Seqoya ngemDaq wIlengta' je. vaj qo' wanI'mey De' vIgherlaHbe'pu'.

bI'reng


2011-10-08: 'amerIqa Huch mIchmey DantaH morghwI'pu'

Huch malja''a' pInpu' HoS lumorghmeH, wej Hoghmey ret nuyorq veng Huch mIch
luDan 'e' lutaghpu' 'op vatlh morghwI'pu'. morghwI'pu' qImHa' De' tummey,
'ach cha' Hoghmey ret QorDI' veng 'avwI'pu', qImchoHpu' roghvaH. mI'chaj
ghurpu' morghwI'pu; wa'Hu' nuyorq vengDaq ghomta' vagh SaD 'ej latlh
vengmeyDaq chenmoHpu' ghom'a'mey. ja' morghwI'pu', ghIghchaj poltaHmeH qum
pInpu', DeQmey law' HevnIS , vaj Huch malja''a' toy'taH qum 'ej ghIghmey
HutlhwI'pu' qImHa'. qum pInpu' wIvmeH, tlhachvaD naDmey togh
'amerIqanganpu', vaj rewbe'pu' toy'nIS qum 'e' luHar. QapHa'law' patvam:
rewbe'pu'vo' naDmey tlhobmeH, Huch neHtaH qum pInpu'.

2011-10-23: togh tunISya'

DaHjaj rewbe'pu'vo' naDmey Hevpu' tunISya' tlhachmey, 'ej naDmey toghlI'
tunISya' qum. naDmey SuqmeH, wa'netlh wa'SaD 'oSwI'pu' muchta' chorghmaH
tlhachmey. naDmey yap Hevchugh 'oSwI', woQ pat chu' 'oghmeH yej muv. taghDI'
DISvam, ghIgh Hutlhmo', naHmey ngev neH loD 'ach tuch yaS qal, vaj
meQ'eghchu'ta'. ghIghmey HutlhtaH rewbe'pu' law', vaj QeHqu'choH. qum qal
lumorghmeH, ghom'a'mey chenmoHta' chaH. nom ghomta' chaH 'ej chaH
ghomHa'rupbe' qum 'avwI'pu', vaj Dejpu' HI'tuy. toghmo' tunISya', qum chu'
wIv roghvaH tlhab'e' 'e' tul latlh qummey.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111024/530ef1da/attachment.html>