[Tlhingan-hol] vavwI' lut - juH

[ghunchu'wI' 'utlh]

On Tue, Oct 18, 2011 at 11:25 PM, Qov <robyn at flyingstart.ca> wrote:
>> bIQ ghoSmoHwI'
>
> QaQ mu'! tetlhwIjvo' DIvI' Hol mu'vetlh vIteq.

motlhbe''a'? Huj. mu' lo'lu'pu' 'e' vIQub. lughba'.

> "valve" Data'laH'a'?

vIHbogh bIQ Do lIS qar'a'? vaj Do lISwI' 'oHlaH.
chaq botchoHwI' 'oH. chaq chaw'choHwI' 'oH.
chaq lojmIt vIponglaH, jan vIQIjta'chugh.

>> wa' jaj nIjqu' ghoSmoHwI' 'e' vIqaw.
>
> toH vIyajHa'law. "pump" vIyaj 'ach DaH 'och rur. juHraj tlhop yotlh bIngDaq
> tu'lu''a'?

"pump" vIDelbej. loQ jIghIH 'e' vIchID. yIQtaHvIS yav, nIjwI'
ngu'chu'be' ghu'. chaq Duy'choH bIQ 'och. chaq Duy'choH ghoSmoHwI'.
lam teqDI' vavwI' 'ej qay'wI' SamDI', Duy' ghoSmoHwI' 'och je rarwI'.
tI'meH vavwI' rarbogh ghoSmoHwI' Qeb Qeyqa'moH neH.

> Dun lutvetlh 'ej jISaQbe'chu'. Qapta' DuplIj. DaH vavlI' vIqawDI' lut DunHa'
> vIqawnISbe'.

HeghDI' vay', Hegh'e' wIbuSlaHbe'. yIn'e' wIlop.

> Qapqu' je mu'tlhegh DuplIj: wa' mu'tlhegh --> wa' tlhegh. chaq lutmeywIjvaD
> vIlo'choH.  DamaS'a'? lumaS'a' latlhpu'?

vImaSqu'be'. vIlo' neH. vumnIS laDwI' 'e' vInup vIneH.

-- ghunchu'wI'