[Tlhingan-hol] nuq bop bom: 'ay' vaghmaH loS: <tlhIngan 'Iw rur qettlhup>

[Qov]

Recap: 'eSSIm verbally threatens Mahoun during a lunch date.

54

tlhIngan 'Iw rur qettlhup

jangpa' Mahoun wa'logh tlhuH. jatlh "choHoHlaH 'e' vISovchu' 'eSSIm 
Duy." DaH tlhIngan quv luvuvchoH ghoghDaj mu'Daj je. yIvbeH lISlaw' 
Mahoun 'ach QumwI' 'uchchoHmeH vIH ghop. HojHa'qa'moH QumwI'. jatlh 
"qatlh wa'Hu choHoHbe'pu'?" qaDqa'. be' qab bej, QumwI' leQ cha'DIch 
'uyruptaHvIS. Qob tIv. qepvam Sey law' po qep Sey puS.

ghonDoq lelbe' 'eSSIm. jatlh "tlhoy ngeDmo'. muqaDbe' HoHlIj. 
manga'chuqlaHmeH jIvuS'eghnIS." qogh choppu'bogh Hot 'eSSIm nItlhDu', 
jatlhtaHvIS. DaH rIQbe'law'. ghaytan nom vormeH Hoqra' lo'ta'.

wa'Hu' Mahoun HoH neHbe'chugh ghaytan DaHjaj HoHbe' je. SuDqang 
Mahoun. QumwI' leQvo' ghop teqpu'. jatlh tlhIngan "tIr vIngevrupbe'. 
yapbe'. pItlh."

jatlh Mahoun "tIr law' tu'lu'. yuQ wIbavtaHvIS Dat tIr yotlh DIlegh. 
Hoch yuQvam tIr boyobchugh 'ej bopolchugh qenglaHbe' yo'raj. yuQ 
naQvaD ram cha' 'uy' cheb'a'. yuQ latlh Dopvo' Hoch vIje'qang. 
vengHom law' lutu'lu'."

leSlaw' 'eSSIm. loQ leS 'ach SutlhtaHvIS choH mach tu'laH Mahoun. tIr 
Sum SaHbe' 'e' ponDI' "luq" jatlh tlhIngan Duy. tlhoy ngeD. Hoch Huch 
'eb qelbe'law'pu' tlhIngan 'ach vuS'eghbe' Mahoun. SIbI' je'meH chaw' 
qI'meH 'eSSIm nob 'ej qumvaD DujvaD je lI'. "lIw 'oH" jatlh Duy. 
"wa'leS nav lajqangbogh tlhIngan ngIvwI' qanobrup."

Soj qem jabwI'. Ha'DIbaH ghabHey 'oH 'eSSIm nay''e'. reghtaH. Doq 
'Iw. reghbe' Mahoun Suy' 'a qettlhupmo' ghIH. SopmeH ghop lo'. QumwI' 
leQ 'uynISchugh Mahoun qay'. 'ach 'utbe' Sotlaw'. Dargh je qem jabwI' 
'ach QeDpIn ghuH qawmo' tlhutlhbe'. bong tIr pegh 'ang 'eSSIm 'e' tul 
Mahoun 'ach SoptaHvIS Satlh qun DeltaH. lInglaHghach, ghewmey, tI 
QIv, pochmeH mIwmey je bop. tIr pochmeH to' 'oghlaw'pu'bogh veng 
wa'DIch Sa' tIQ Del. tej Hol jatlhmo' qImchu'be' Mahoun. lojDI' 
SojDaj mej 'eSSIm. pagh le' jatlh. mej neH.

SojDaj Soppu'DI' Mahoun jabwI' DIl 'ej Qe' mej. qIDmeH jachchoH 'ej 
QumwI' leQ cha'DIch 'uy. SIbI' jachtaHvIS wewchoH veng 'ej DechchoH 
jolpa', jol SeHtaHvIS Hung yaS. Mahoun ghopDu' qab je leghDI' merlu'. 
"yIleS." jatlh Mahoun. "qettlhup 'oH. qaqaD neH. nom bIvangmo' 'ej 
pov qechlIj qanaD." nItlhDu' roStaHvIS Mahoun tlheD.
---
SKI: Mahoun has no trouble negotiating permission to buy local grain.
----
There were footnotes for this one, but I didn't include them, as they 
were silly. You're quite capable of thinking of silly things to say 
about the story for yourself. And QeS may kill me later for what I 
set up right here, but he won't know what to kill me for yet, unless 
he's terrifyingly clever and lucky. And he's on a distant continent. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111015/aa7cbb92/attachment.html>