[Tlhingan-hol] nuq bop bom: 'ay' HutmaH loS: <yuQjIjQa' Qujmey>

[Qov]

I'll be off-net for a little over a week, so this slightly early 
submission is the last installment of nuq bop bom until approximately 
December 4th.

'eSSIm was doing calisthenics outside.

94

mI'chu'pu'DI' 'eSSIm vumqa'. yotlh ngong ghoS. lurDechmeychaj pabtaH 
'e' lumaSmo' wIjwI'pu', mIwmey perta'bogh 'eSSIm pabchu'be'. mIwmey 
lo'pu'bogh SovmeH wIjwI'pu' Such. ngengHom Qun DeltaH wa' wIjwI' 
Saghqu', 'IjtaH 'eSSIm 'a SaHbe'qu'. yuQ naQ charghchugh tlhIngan wo' 
'ej toy'wI''a' chaHchugh Hoch wIjwI''e', 'avnIS negh 'ej QuDmey 
SeHnIS, 'ach mIwmey qar lo'chu'. ngengHom Qun qImnISbe' mangghom. 
SaHtaHvIS 'uj bID Saw'bogh bIQ tIr pochta' wIjwI'vam. bIQ SeHmeH 
mIwmey ghojmoHpu' 'eSSIm 'ach pochtaHvIS lo'Qo'. 'Iq bIQ 'e' 
ponlaHbe' 'eSSIm. ghIq Qunmey qelbe'choH wIjwI' 'ej jatlh, tIr 
luSopbe'meH bo'Deghmey 'ut SoD. rut no' Sov qelnIS tej.

wovchoH 'eSSIm QumwI'. rI'lI' Mahoun. jatlh "DIvI' Duj De' vISuqta'. 
DaSov DaneH'a'?"

pagh De' chu' SaH 'eSSIm. DaH 'Iw Doq reghbogh Ha'DIbaH HoH 'ej Sop 
neH. jatlhtaHvIS HoD Hagh latlhpu' 'e' QoylaH 'eSSIm. lunuQ. jatlh 
"tlhIvlaw' beqpu'lI'. DaSeHlaHbe'chugh qIQ."

"yIloS." jatlh Mahoun. ghoghDaj Qoyqa', yel Hol jatlhtaHvIS. ra'ba'. 
tamqu'choH meH. "roD chuS 'e' vIchaw'. mutoy'chu' 'e' yIHonQo'," jatlh Mahoun.

reH Doj HoS 'ej belmoHmeH lo'pu', 'eSSIm monmoH 'ach wuQmo' qejtaH. 
jatlh "DIvI' Duj De' yIja'."

"verghlI' DIvI' qughDuj. yuQjIjQa' tIghmey 'aghmeH leng. ghorDaq 
lopno'meyHey much. DIvI' Soj, DIvI' mI'wI'pu' je much. jeS Hoch net 
chaw'." jatlh Mahoun.

jatlh 'eSSIm, "wejpuH. rurbogh wanI' vISIQpu'. roj yItIv, 
toy'wI''a'pu' tItlhabmoH, pejIjchuq, Hoch nuv QIp tIchergh. vulqangan 
chaH'a'? Dalqu' vulqangan lopno'."

jatlh Mahoun, "yIloS" 'ej beq ghel. jatlhqa' "nurI' HumanHey. Doqqu' 
'ej wov DIr. jejbe' qoghDu' 'ej pIj mon. chotlhej DaneH'a'?"

wuQbe'meH QuchDaj 'uy 'eSSIm. jatlh "vulqanganpu' chaHchugh SIbI' jImej."

jabbI'ID vanpu'DI' 'eSSIm QI'vaD latlh jabbI'ID qon. ghom DIvI' 
'oSwI'pu', Mahoun je 'e' ollaHmo' 'eSSIm, DaH luHarnIS.
----
SKI: Mahoun invites 'eSSIm to attend a Federation cultural 
presentation with him.