[Tlhingan-hol] nuq bop bom: 'ay' wa'vatlh wa'maH wa': <tlhIngan maH>

[Robyn Stewart]

Hey, question, just 'cause I'm jealous about all the comments on the 
translation posts.

Would this story be more interesting to more people if it were in 
smaller pieces and/or included an English translation?  Or just if it 
had more fighting and less bureaucracy?

Plus, despite being only three days into 'ay''a' Soch, I'm taking 
another posting break, for about a week. vajar et al will return when I do.
---
The General and Captain vajar were discussing the bureaucracy 
involved in getting a new ship.

111

tlhIngan maH

Sa'vaD Duq qem lagh. SeHlawDaq lanDI' toqvIr lung QImmey ngaS 'e' 
legh. DuqDaq ghop lan Sa' ghIq nujDaq QImmey ghoD. ngechDajDaj ravDaq 
je pum puS. bejtaHvIS vajar, qaStaHvIS cha' jarmey Duj Soj QaD neH 
Soppu' 'e' tlhoj. buS 'e' nID.

jatlh Sa', "*Dugh* 'ay'mey DIHIj 'e' pIH Qo'noS wo' vergh'a', 'ach 
Sa' jIH. Duj naQ vIHIj vIneHchugh DIbvetlh vIghaj. Duj quv tI' 
tlhIngan wo' 'e' vIchupchugh, lutI'."

tlhoS tlhuHbe' vajar. qaStaHvIS loSmaH loS DIS tlhIngan QI' toy'ta' 
'ej not DujDajvaD munta' Sa'.

jatlhtaH Sa', "wo' vItoy'. wo' wIvmey vISIghqu'pa' meq vISovnIS. chaq 
tlhIngan wo'vaD De' potlhqu' DaSuqta'chugh, pagh maghwI''a' 
Dangu'laHchugh, pagh yejquvvaD Qu' pegh Data'ta'chugh. chaq 
pegh'a'mo' pop DaHevbe'pu' ... choyaj'a', vajar HoD?"

jatlh vajar, "qayaj, qImyal Sa'. choquvmoHneS. wo' vItoy'." Dunbogh 
Qu'mey law' ta'ta'. toy'chu'ta' 'ej tagha' pop Hevrup. Hemqu'choH. 
yabDajDaq Sa'vaD Qu'mey le' lIqchoH.

pe'vIl jatlh Sa', "tlhIngan maH!"

ja' Hoch Qoybogh beq, "tlhIngan maH!" jeS je vajar.

ta'meyDaj potlh perchoHDI' vajar jatlh Sa', "naDev DIqelbe'. tugh 
maghomqa'. DaH: ghaytan wo' ngoch DaSov. wo' vergh'a'Daq qaStaHvIS 
wa' jar ratlhnISchugh Duj, tI'taHvIS leH vu'laH HoD 'ach luloS latlh 
beq net tuch. Duj lajlu'pa' vergh'a' QaynIS."

jatlh vajar, "bIlugh Sa'. ngochvetlh vISovbej. 'oHmo' motlh wo' 
vergh'a' vIlo'be'. matI''egh. Do'Ha' vagh wen Qapbe'choH So'wI'maj 
'ej QI' pegh 'oHmo' 'ay' 'ut' jomlu'meH wo' vergh'a' wIghoSnIS. pa' 
jonwI' chu' vISuq 'ach 'ay' 'ut lungeHbe'taH. beq chu' vIpoQDI' jIloSqu'nIS."

jatlh qImyal, "chut DajunmeH, DujwIjDaq beqlIj vIQayqang." De'wI'Hom 
much Sa' 'ej jatlh "naDev yISen. Qaypu'DI' vergh'a' vIjatlh."

jatlh vajar, "matlh beqwIj. vIQaypa' vIjatlh."

jatlh qImyal Sa', "wIvlIj 'oHba' HoD. beqlIj matlh DapolmeH latlh mIw 
DaSovchugh yIlo'qu'." QImmey Sopqa' Sa' 'ej DeghwI' ra'choH. rIn qep 
'e' tlhoj vajar.
---
SKI: General qImyal offers to help Captain vajar navigate the Klingon 
Imperial Dockyard policy swamp.
----
For those of you who have joined the list since I last explained 
this: previous episodes of nuq bop bom, plus supplementary materials 
(e.g. names, ship layout and an org chart) are posted at 
http://nuqbopbom.blogspot.com. I am always happy to correct or 
explain anything in the story, be it plot or tlhIngan Hol. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111222/1f3babda/attachment-0001.html>