[Tlhingan-hol] nuq bop bom" 'ay' wa'vatlh Soch: <DI bochqu'>

[Qov]

DaHjaj qaSpu'mo' malja'wIj lopno' jIchech, vaj 'ay'vam vIlaDqa'be'. 
wa'leS Indiana vIghoSmo' wa'leS vIlaDqa'be' je. Do'Ha'. yItIv.

The Vigilant returned a second time to check on the stranded Klingons.

107: DI bochqu'

lengtaHmo' tlhInganpu' DaH Sumqu'chuqbe' Dujchaj DIchaj je 'ach 
tu'laHtaH varSajIy chuq'a' noch. DI Quv choltaHvIS logh Hotlhqu'. 
lom, HanDogh 'ay tIn je Sam. HanDogh pojmeH QeDpIn luboS. qen Hur 
meQmoHbe'pu' nuHmey. HanDogh qoDDaj ratlh tetpu'bogh mep. ngaSwI'Hey 
'oH. ratlhbe' SIpmey 'ach HutHu' HotlhDI' HIq, nIn, latlh jorlaHbogh 
taS je tu'pu'. ngIvchoHDI' latlh Dochmey Sam. cha' romuluSngan 
nejwI'mey, loSmaH wa' cha'pujqutmey, baS 'Itlh, baS SIrghmey, cha' 
Hat leQmey, 'och 'ay'mey, Sarbogh Dochmey mach je boS. lom luqon 'ach 
luboSbe'. Qobbe'choHmeH tlhInganpu' boStaHvIS Duj lujIH 'ej rut 
luHotlh. not choH Duj Dotlh.

loghDaq DI lunge'be'mo' SuS yu'eghmey Ha'DIbaH qoj ratlh Hoch. moQ 
bID chenmoH HochHom DI.[81] Hoch 'ay' boSDI' Quv Do je qon. Hemey 
SImpu'DI' DewI' lut naQ luloylaH. HanDoghDaq Dochmey Hat So'pu' vay'. 
HanDoghDaq Hatmey tuj net pIH 'ach Hatvetlh cherghlaH HanDogh luch 
motlh. Hatvetlh cherghlaHbe' HIq. HIq QanmeH bIrmoHwI' pat 
'oghlaw'pu' vay' 'ach lujpu'. SIp moj HIq. SIp meQmoH vay' 'ej jorpu' 
HanDogh. jorpu'DI' tep ghomHa'pu'.

QI' Segh bIH cha'pujqutmey'e'. lo'laHbej. lo'laH je nejwI' 'ach 
nuH'a' bIHmo' loQ Mahoun ghIj. ngev neHbe'. chaq Qaw'meH pop HevlaH. 
tlhInganpu' rI' 'e' luqel 'ach tIch luneHbe'. vay' luneHchugh 
tlhInganpu' rI'laH. not rI'. tlhIngan may'Duj Hop tu' noch. SIbI' 
pIvghor luchu' 'ej mej.

vumqu'be' Mahoun 'ach Doy'. SumtaHvIS tlhInganpu' bItmoH ghu'. 
QongtaHvIS naj 'ej najtaHvIS qaS wanI'mey DunHa'. wa'logh vemlaw'DI' 
Heghpu'bogh yaS wa'DIch lom retlhDaq Qotqa'taH. choH lom. tlhIngan 
moj. ghIq luDech Heghpu'bogh tlhInganpu'. loDpu' chaH. Heghpu'be'mo' 
'eSSIm belpu' 'e' qaw. ghIq vemqa'bej. tlhInganpu' lutu'lu'be'. 
najpu'mo' lommey leghba'pu'. 'a Qongqa' neHbe'. najtaHvIS teHqu'law' 
lommey. jey luSImpu'bogh lupabtaHchugh DaH 'anDorya lughoS 'ach 
Qatqu'pu'mo' tIr, gharben cha' lughoSqa'. meHDaq ba'taHvIS Mahoun, 
'eSSIm qawtaH. chaq teH vajar Duj 'e' tobDI' ghoqwI' ghaHbe' 'e' 
Harqang. 'eSSIm Hotqa' neHqu' 'ach tlhoy Qob boqchaj 'e' Sov. malja' buStaH.
----
SKI: Klingons still there. Shiny objects collected. Klingons still 
too dangerous to touch.
----
This concludes 'ay''a' jav. There will be a two or three day break 
before I start sending 'ay''a' Soch, which will update you on vajar 
and what's left of his crew.