[Tlhingan-hol] nuq bop bom: 'ay' wa'vatlh vagh: <yajchuq>

[Qov]

Mahoun made himself cry while telling his newest crewmember about his 
imprisonment by the Klingons.

105

SaQtaH Mahoun 'e' tu'ba' HungpIn 'ach Qu'Daj qaghbe'. bejtaH je 
Orson. loQ nachDaj pepHa'. Mahoun bejtaHvIS. ghIq maHun qech lo'. 
nachDajDaj ghopDu'Daj lan 'ej nach jeqwI'Du' DachoH SIqwI'Du'Daj. 
<jI'IQ. qaSaH.> yaj Mahoun. SaQchoH je Orson. chol 'ej 'uchchuqchoH 
Mahoun ghaH je. SaQ 'e' tuHbe' yelwIyyItngan loD. pIj ghe'naQ 
'IjtaHvIS Mahoun SaQtaH. 'a qaSpa' DaHjaj narghbe'pu' 'oy'vam. 
weghlu'taHvIS ghu' Hajpu' 'ach tlhabmoHlu'DI' ghu' Hajpu' je. yel 
yuQDaq cheghtaHvIS porghDaj nuDta' 'anDorngan Qel. pIv jatlh 'ej 
DeSDu' vorlaHbe'. tuQDaj pawDI' lupoltaHvIS tlhInganpu' Huch 
bajtaHbogh noblu'. law'qu'be' 'ach malja' mach taghmeH lo'pu', 'ej 
cheppu' 'ej Sachpu'. malja' Qapla' chavbejta' Mahoun 'ej DaH luDech 
Dochmey wagh, luvuvbogh nuvpu', luparHa'bogh juppu' je. 'ach DaHjaj 
neH loDHomvetlh Qorgh vay'. SaQtaH Mahoun 'ej Orson Dub yach.

SaQbe'choHDI' Mahoun jatlh, "latlh lut qaja'. mu'mey Dayajbe' 'ach 
chaq qech Dayaj. wa' jaj loD maghmo' maqoch, loD ghImlu' ..." bom'e' 
parHa'pu'bogh vajar bomchoH Mahoun. SaQpu'mo' pupbe' ghoghDaj 'ach 
HoSghaj tIqDaj. 'Ijqu'meH, Mahoun 'uchbe'choHDI' Orson QamchoH Mahoun 
'ej bomqu'. DaH SaQchoH HungpIn.

bompu'DI', 'anDorngan retlhDaq ba'choH Mahoun 'ej bIQ tlhutlh.

bIQ tlhutlh je Orson ghIq jatlhchoH. "bIlugh," jatlh "Hujqu' mu'mey 
'a loQ qech vIyaj." 'anDor Hol jatlh.

jatlhqangchoHmo' Orson Quch Mahoun. jatlh, "qayu'be'. vay' DapoQchugh HIja'."

qeppa' paw vutwI'. ngaSwI' qeng. mer Orson.

"Thrxan Shrbatlhylo 'oH pongwIj'e'," jatlh 'anDorngan. mugh Mahoun.

"jIQoS," jatlh vutwI', "wabmeyvetlh lIngbe' jatwIj, 'a tlhIHvaD Soj 
vIqempu'." ngaSwI' poSmoH 'ej 'anDorya' naH, HIq je lel. SaQqa' 
Thrxan naH leghDI'. tlhap 'ej SIbI' yub teq 'ej SopchoH. HIq neHbe'. 
nenpa' jonlu'mo' not tlhutlhpu'.

DIvI' Hol mu' puS jatlh Thrxan. HungpIn lIH Mahoun 'ej jatlh, "naDev 
nuQan Mossam. DavoqlaH. SoHvaD QongDaq tu'." HungpInvaD jatlh Mahoun, 
"qay'chugh vay' HIrI'."
---
SKI: The Andorian starts to talk to Mahoun.