<p>qen jabbI'ID ghomvam tamey vIlaDtaH.  cha'maH ben tlhIngan Hol yejHaD cherlu'.  Dajqu' qunDaj 'eq.  </p>
<p>muvwI' SuqmeH QIn 'oH QIn wa'DIch ngeHbogh'e'.  *{batlh maghom yipongneSmeH} [1] (sic) 'oH QInvam pong'e'.  "Call for membership" 'oS net Hech.</p>
<p>QInvam naQ yIlaDqu'!  DuvuQbej.<br>
<a href="http://diswww.mit.edu/charon.MIT.EDU/ja'chuq/112">http://diswww.mit.edu/charon.MIT.EDU/ja'chuq/112</a></p>
<p>QInvam qonlu'taHvIS, ta' Hol Sovbe'lu'ba'.  DaH Dubbejpu' Sovmaj.  </p>
<p>chaq DaH ta' tlhIngan HolvaD QInvam mughqangchu' vay'.</p>
<p>[1] - chIch {I}-vaD {i} ghItlhlu', cha'maH ben De'wI' lo'lu'taHvIS rurchuqmo' {I ('It)} {l (lay)} je.  'ach bong pab pabHa'.</p>
<p>--<br>
De'vID</p>