<p>loghaD:<br>
> Now, to the discussion I originally intended to set up: Do you agree that my reasoning about «je» is - in principle, at least, if not in this particular situation - correct?</p>
<p>wa' buv tera'ngan chab luleghDI' tlhInganpu', {Ha'DIbaH ghIH tIr ngogh je} luper.  </p>
<p>tera'Daq Do Qe' Such tlhIngan.  tebwI'vaD jatlh: {qa'vIn nIm je tIqem. Ha'DIbaH ghIH tIr ngogh je tIqem je.}</p>
<p>loS Dochmey qem tebwI': wa' qa'vIn HIvje', wa' nIm HIvje', wa' 'ay' ghab HaHlu'pu'bogh, wa' tIr ngoghHom je.</p>
<p>Do Qe'vam Such latlh tlhIngan.  tebwI'vaD jatlh: {qa'vIn nIm je yIqem.  Ha'DIbaH ghIH tIr ngogh je yIqem je.}</p>
<p>cha' Dochmey qem tebwI': wa' qa'vIn nIm je luDuDlu'pu'bogh ngaSbogh HIvje''e', wa' Ha'DIbaH tIr ngogh je ngaSbogh tera'ngan chab'e' je.</p>
<p>Qaghbej lutlIj tera'ngan.  {HIja'} jatlhDI' tlhIngan, ghelnIS tera'gan: {qa'vInlIjDaq nIm 'ar DaparHa'?}  Sovbejbe' ghaytan loyDI' muj.</p>
<p>--<br>
De'vID</p>