
<html>

<head>

<style><!--

.hmmessage P

{

margin:0px;

padding:0px

}

body.hmmessage

{

font-size: 10pt;

font-family:Tahoma

}

--></style></head>

<body class='hmmessage'><div dir='ltr'>

<font style="" face="Courier New">Dunqu' lutlIj.  vItIv.  qatlho'.<br id="FontBreak"></font><br><br><font style="" face="Courier New"><br>-- jhb<br></font><br><br><div><div id="SkyDrivePlaceholder"></div>> From: qunchuy@alcaco.net<br>> Date: Tue, 20 Dec 2011 16:22:33 -0500<br>> To: tlhIngan-Hol@kli.org<br>> Subject: [Tlhingan-hol] muchmey Dun, lutmey Dun<br>> <br>> wa' ben Ťram nI' lop bomť much vItIv. vIparHa'mo' vIbejqa' vIneH.<br>> <br>> qorDu'wIj tlhej latlh 'e' vIchup. qech laj Qov. Qap jey wInabbogh.<br>> cha'Hu' SaqDI' muD Duj lIghbogh wIghom jIH puqloDwI' 'ej juHmajDaq<br>> wIlup. machqu' Qov tep. lengwI' po' ghaH. juHDaq mapawpa' nutlhej<br>> be'nalwI' 'ej wovmoHwI'mey law' DIleghmeH maghoSchoH. ghIq juH<br>> wIghoSqa' 'ej tlhIq wI'ep.<br>> <br>> po mavem 'ej barghchab beQ vIvut. wa' chab vIyoymoHmeH bargh vIjImmoH<br>> 'ej vIpuvmoH. Qapla'! barghDaq Saqchu' chab yoy. nIQvaD nuSuch SoSwI'.<br>> matay'taHvIS maSop 'e' wIlop.<br>> <br>> Huv chal 'ej wov jul wa'Hu' 'e' maq muD noHwI'. DaHjaj peD. mujba'pu' maqwI'.<br>> <br>> veng tu'HomI'raHmey legh Qov 'e' vIraD. ben law'qu' Sor tInqu'<br>> pe'lu'pu', 'ej ratlh 'uj'a' 'aDbogh 'ay'. bey qachDaq 'ay'vam 'anglu'.<br>> tangqa' tInqu' 'anglu' je. qachDaq qach velqa' mach 'anglu'; Do'Ha'<br>> velqa'Daq qachHom machqu' wIleghbe'. qach retlhDaq tal ngo' wIlegh.<br>> noHvaD talvam DIlta' veng yej'an. ghIq "Kokomo ta'Hom" van'a' wISuch.<br>> <br>> majaw. lutmey law' DItIv.<br>> <br>> tunchoHpu'mo' puH Duj rutlhmey, bIHDaq SIp vIchel. Chicago-Daq<br>> wIlengpa' megh wISopnIS tlhoS 'e' vIlIj. nom naHmey, tIr gho je DISop.<br>> ghIq Hoqmaj wItagh. qetlh leng 'ach Daj ja'chuqghachmaj. qaStaHvIS wej<br>> rep maghoS.<br>> <br>> ghochmaj wISIchpa' numevmoHchu' Hutvagh. maghoSqa'laHbe'chugh,<br>> mapaSchoH 'ej nargh 'uQ 'eb. He''a' vItlheD 'ej Hemey motlhDaq<br>> jIchIjchoH. pItSa chab Qe'Daq raQpo'pu'wI' vItenHa'moH 'ej verghqach<br>> Sum vISam. much vaS Daq vI'ol 'ej Qe'Daq jIcheghmeH jIyIt. latlhpu'<br>> vImuvqa'DI' Soj luwIvta' 'ej lupoQta' 'ej luDIlta'. loQ maloS.<br>> paSchoHmo' rep raSDaq maba'meH poH wIHutlh. Sojmaj nobDI' tebwI' much<br>> vaSDaq mayItchoH. mayIttaHvIS pItSa chab wISop. ('ey'qu' 'e' vIQub<br>> jIH. Qov QuchmoHbe'law'.)<br>> <br>> much wIbej. Dun. DaHjaj latlh vIjatlhbe'.<br>> <br>> ghIq juHDaq wIchegh. qaStaHvIS wej rep maghoS. mapawDI' cha'logh<br>> Qoylu'pu'. maQong.<br>> <br>> Sunday maleS. lengbogh juHHom vI'agh. megh vIqaw 'ej ray' tIr chatlh<br>> wI'ep. Qov lengvaD cha' tera' na'ranHom vInob. muD Duj tIjmeH ghaH<br>> wIlupqa' jIH be'nalwI'. maghoStaHvIS majawqa'. chaq tlhoy 'eq pawDI'<br>> 'ach vaj mejpu'be'bej Duj.<br>> <br>> Such mebma' rIntaH.<br>> <br>> jIghItlh 'e' vImevbe'chugh, QIn tIn laDqang pagh.<br>> jabbI'ID pItlh<br>> <br>> -- ghunchu'wI'<br>> <br>> _______________________________________________<br>> Tlhingan-hol mailing list<br>> Tlhingan-hol@stodi.digitalkingdom.org<br>> http://stodi.digitalkingdom.org/mailman/listinfo/tlhingan-hol<br></div>                                      </div></body>

</html>