[Tlhingan-hol] Octopus

[Robyn Stewart]

'uS law' ghajmo' motlhHa' 'oH 'ej wIleghDI' wIparrup. maHvaD taQbogh Soj nov
'oHmo' pIj wIwaH 'e' wIngIlbe'.  wej lutmey qaja'.

wa') 'eSpanya' Qe'Daq jISop, mutlhejtaHvIS juppu'wI'. ngugh maQup, chaq
wa'maH loS ben maboghpu'.  *calimari* wIje'.  *octopus* 'oH *calimari*'e'
net Sov. 'a' mIQmo' motlh ngoDvetlh qellu'be. ghomey DISop 'ej tlhagh,
pIDbogh tIr neH waHlu'. 'a Qe'vetlhDaq *octopus* mach lo'lu'mo' 'uSmey mach
wIlegh.  le' *octopus* 'uS (je Hagh: bong 'octopuS vIghItlh). vaD 'ej Dat
'uchmeH ghomey. leghDI' be' jach 'ej Soj vo'.

cha') 
nIpon Qe'Daq maHtaH, jIH, lorwI' Qup je. Qe' wIvpu' lorwI'. nIponDaq vumpu'
vavDaj--loDnI'wI'--'ej pIj nIpon Soj Sop qorDu'Daj.  HIDjolev vIwoH 'ej
ghaHvaD jIjatlh, nay'mey DamaSbogh tIngu'.
jatlh lorwI': Hoch je'bogh SoSwI' vIparHa'.
vaj 'elpI' Sar vIje'.  pawDI' Soj, pIHqu' lorwI' 'ej nay' pus lajHa'.
*octopus* leghDI' nom DoH 'ej loQ jach.  

wej) 
'Italya'Daq maHtaH, jIH, loDnalwI' je.  tIr Sar Sopbe'nISqu' loDnalwI',
luHDaj ropmoHmo'. malengtaHvIS, chabal'a'Daj vIQumlaHmeH Hol nov
vIjatlhnISlaH. HIDjolev vIlaDlaHchu'be'. *octopus* 'oSbogh 'Italya' Hol mu'
vIghovbe'. *pasta* 'oH wa' nay''a' 'ej jabwI'vaD ghu' vIQIj. *gluten*
Hutlhbogh *pasta*'e' lo'qang vutwI', vaj nay'vetlh wIje'. pawDI' nay',
*pasta* 'oHba' 'ej *pasta* yorDaq machbogh *octopus*mey puS lutu'lu'.  'ey'
bIH. 'ey'qu' jay'.  'elaDya'Daq rurbogh *octopus* nay'mey lujablu'chugh, vaj
le'qu'bej *octopus*raj.

tlhoy law'DI' 'uSDu', Ha'DIbaH Sopqangbe'choH nughwIj nuvpu'.

- Qov

> -----Original Message-----
> From: mayql qunenoS [mailto:mihkoun at gmail.com]
> Sent: March 21, 2016 1:31
> To: tlhIngan Hol mailing list
> Subject: [Tlhingan-hol] Octopus
> 
> Saghel vIneH..
> 
> nay' le' 'oH *oqtopuS*'e' 'elaDya'Daq 'e' luHar HochHom nuvpu'. vIHar je.
'a
> 'up *oqtopuS* 'e' luqel novbogh nuv law' ben 'e' vIlaD. 'ej mumerqu'
> ngoDvam. toH, Saghel vIneH.
> 
> 'up *oqtopuS* 'e' boHar'a'
> 
> I want to ask you..
> 
> In greece most people believe, that octopus is an exceptional dish. I
believe
> it too. However years ago I read, that many people who are foreign, think
> that octopus is disgusting. So, I want to ask you.
> 
> Do you think that octopus is disgusting ?
> 
> mayqel mIv Hurgh qunnoq
> their yell warns the dead that a klingon warrior is coming
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol