[Tlhingan-hol] SachmeH DIvI' yuQ Suq

[qov at kli.org]

wa' jaj, 'uy' ben, DISvo' yIt loD. jatlh, HuDvetlh Dop Hop vIlegh vIneH.
jatlh jupDaj, qatlh HuDvetlh DaghoS, naDev ghungtaHvIS nuvpu'? Soj DawammeH
naDev yIratlh.
lobbe' SIvbogh loD. HuD toS 'ej Soj chu' tu'. law'choH loDvetlh puqpu'.
no'ma' chaHmo' Hoq DIDIlqang.

wa' yuQDaq ratlhtaHchugh Hoch Humanpu', mutmaj SanglaHchu' wa' lot. Hoch
Humanpu' wIje'meH 'utchoHlaH jo Hop.

mID chu' DIcherlaHpa' logh wInuDnIS. yuQ HutDIchDaq jo lI' wISam 'e'
vIpIH'a'?  ghobe'. 'a logh wInuDlaHmeH DISvetlh tIQvo' yItnISpu' qempa'vetlh
wa'DIch. taH leng.

mataHmeH maSachnIS.

jo lunatlhbogh ta'mey lo'Ha' Daqel DaneHchugh vaj noHmey DIqeljaj. Satlh
nISmo' veS, ghung nuv law'. Soj HIjmeH pat nISmo' yol, ghung nuv law'. lam
QobmoHmo' pagh QIHmo' yol wIjlaHbe' nuv law'. rut lotlhbogh roghvaH
HoSHa'moH qun mIgh, Soj vuS. 

tera' DIS cha'SaD wa'maH vagh 'amerIqa' SepjIjQa'Daq tlhoS jav bIp 'uy'(*)
*US dollar*mey natlh QI'. qaStaHvIS poHvetlh rap, wa'maH chorgh 'uy' *US
dollar*mey natlh NASA. (wa' vatlhvI').
 
naDev, tera'Daq nuQaH janmey 'oghta'bogh NASA tejpu'. yuQmey DaSaHe'bogh
nejmeH Hoch natlhlu'be'.
http://www.nasa.gov/50th/50th_magazine/benefits.html

vuDmeylIj vIyaj 'ej vIvuv. Qochbogh nuv tay wuv nughmaj Ser.  jabbI'ID
ghommajvaD qechvam Dajqu' 'ej potlhqu' Daghaqmo' qavan 'ej jIQuch.
petaH(**)!

SKI: Our survival depends on our resource allocation. Respectful debate on
what that should be is awesome.

- Qov

* This is a hack. We don't actually have a canon example of a number this
large.  There may be digit-by-digit words for higher places than 'uy'.
** bong ghol vaychoHmoH tlhIngan ngachwI' 'ar, loQ {petaH} jatlhHa'mo'? :-)

> -----Original Message-----
> From: mayql qunenoS [mailto:mihkoun at gmail.com]
> Sent: January 23, 2016 8:39
> To: tlhIngan Hol mailing list
> Subject: Re: [Tlhingan-hol] SachmeH DIvI' yuQ Suq
> 
> mu'IQmoH wanI'vam..
> this matter makes me sad..
> 
> Dat tera'Daq, ghungmo' nuvpu' Hegh chaH.
> everywhere on earth, because they are hungry, people are dying.
> 
> bIrqu'choHmo' chaH 'ej ropmo' chaH, bechtaH nuvpu'.
> because they are freezing, and because they are sick people are suffering.
> 
> nuvpu' nen puqpu' je.
> grown ups and children too.
> 
> SoH jIH je nururbogh Humanpu' chaH.
> they are human beings resembling you and me.
> 
> 'ach reH logh nejmeH 'uy'mey noblu'taH.
> however always in order to explore space millions are given.
> 
> yuQmey chu'vaD chuSwI' Sa'Hut vInobQo' !
> I don't give a rat's @!@!# for new planets !
> 
> cpt qunnoq
> 
> 
> On Fri, Jan 22, 2016 at 12:23 AM, Bellerophon, modeler
> <bellerophon.modeler at gmail.com> wrote:
> > jIjatlh:
> >>
> >> > yuQHomoy majatlhlaH'a'?
> >
> > jatlh Qov:
> >>
> >> ghobe'. Pluto yoH vIvupmo' ghIHchoH HolwIj.
> >>
> >> HIvqa' veqlargh.
> >>
> > chongqu'pu' meqlIj. vaj pab DaSIHpu'. qay'be'qu', pagh ghojwI'
> mISmoHchugh.
> >
> > --
> > mIp'av yergho
> > bu''a'
> > baHwI'
> > IKAV chuch 'etlh
> >
> > My modeling blog:          http://bellerophon-modeler.blogspot.com/
> > My other modeling blog:  http://bellerophon.blog.com/
> >
> > _______________________________________________
> > Tlhingan-hol mailing list
> > Tlhingan-hol at kli.org
> > http://mail.kli.org/mailman/listinfo/tlhingan-hol
> >
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol