[Tlhingan-hol] DajmeH, nuq bopnIS QIn?

[Will Martin]

jImI’ ‘e’ vItIv, ‘ach Dallaw’ ngoDvam. ghIQDI’ ghunchu’wI’ qoj qoqmey chenmoHDI’, lutDaj vItIv, ‘ach latlhvaD Dallaw’ lutmeyvam.

toH HochHomvaD DajlaH nuq?

muDDuj vItIv… ‘ach jIqarchu’be’. Hutlogh jonta’ Hutlhbogh muDDuj’e’ vI’or ghojwI’ jIHtaHvIS. Huch yap vIHutlhmo’ jImev. ghIq jInaj neH.

muDDujmey le’ vISuch. muDDuj vImaSbogh vIwuq. ‘ach not muDDuj vIje’, ‘ej muDDuj vIHutlhtaHvIS ‘orwI’ vImojmeH vIHaDQo’. wagh. jIqan ‘ej Huch vIbajmeH jIvum ‘e’ vImev vIneH. vaj Huch vIpolnIS, ‘ej waghchugh vay’ ‘ej vay’vam vIpoQbe’chugh, vIje’Qo’.

‘ach ghaytan Dal ngoDvam. vaj lutvam vIghItlhbe’nIS.

HIchmey vIparHa’. wej vIghaj. qatlh vIje’pu’? Daj janmeyvam ‘e’ vIHar. vIlagh. vISay’moH. vIlaghHa’. chaq juHwIj vIHubmeH lo’laH, ach ghaytanHa’ juHwIj vIHubnIS. jIlwI’pu’ vIparHa’qu’.

‘ej ghaytan Dal lutvam.

tamHa’meH luch vIghaj. ‘IjwI’pu’ law’vaD chu’DI’ muchwI’pu’, luchvam vIcher ‘ej vISeH. SeHmeH *iPad* vIlo’. wejmaH cha’ *channel*mey vISeH.

‘ach ghaytan Dal lutvam.

paq vIlaDtaHvIS, be’nalwI’vaD paq mu’mey vIjatlh. ‘Ij. ghIq be’nalwI’vaD paq vInob ‘ej jIHvaD paq laD be’nalwI’ ‘ej paq mu’mey jatlh. qen <<le’yo’ *prejudice* je>> wIlaDta’. ‘ach naDev SaHbe’ nuvpu’. Dal. vaj lutvam vIjatlhnISQo’.

DajmeH ghaytan pagh vIghItlhlaH. Dallaw’ Hoch.

Dal Hoch lutmeymaj ‘e’ DaHarchugh, chaq ghu’ DaDublaH. vay’ Daj yIjatlh. mochchugh yInlIj, yItob. maHvaD jatlh.

People often complain about traffic without realizing that they ARE traffic.

We are in this together. We have the option of supporting one another in that regard, or we can sit back and require others to entertain us at high standards without meaningful contribution, and then wonder why so many others fail to satisfy our requirements without sensing any debt concerning our own contributions.

pItlh
lojmIt tI'wI'nuv