[Tlhingan-hol] Holmaj yIlo'

[Will Martin]

jISIvtaH.

tlhIngan Hol ghojlaw’bogh nuvpu’ law’ law’ tlhIngan Hol lo’bejbogh nuvpu’ law’ puS.

wej lulo’taH HochHom, ‘ach tugh lulo’choH chaq net pIH, ‘ach naDev not toblu’.

qaSDI’ qep’a’ wa’DIch, law' ghojwI’pu’. puS jatlhwI’pu’. DaH law’ ghojwI’pu’. puS jatlhwI’pu’.

QIntetlhvam laDlu’DI’, roD DIvI’ Hol lo’lu’. narghDI’ tlhIngan QIn loplu’nISlaw' qubmo' wanI’.

jatlhwI’pu’vaD poH ‘Iq poQlaw’ jatlhmeH Qu'. ghojwI’pu’vaD laH ‘Iq poQlaw’ jatlhmeH Qu'.

chaq tlhoyHa’ SaHlu’ neH. DIvI’ Hol wIlo’taHvIS maghoH ‘e’ wImaSlaw’. Qu’vamvaD reH poH wISamqang.

ghoHmeH Qu’ Qat law’ jatlhmeH Qu’ Qat puS.

tIqmaj wI’angtaH. machqu’. tamqu’. 

pItlh
lojmIt tI'wI'nuv



-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20160105/87fb185e/attachment.html>