[Tlhingan-hol] wanI' ghangwI'

[mayql qunenoS]

qen wanI' ghangwI' much vIbejqa'. DughIjqu'meH pup muchvam 'e' vIHar.
Dujvam leghlu'DI', mIgh Dujvam net Sov. ghe''orvo' pawpu'bogh Duj. 'ej
Doch Doj law' Hoch Doj puS.. tlhamghorDaj.. cha'logh wanI' ghangwI'
vIbejpu' 'ej ghIq qaStaHvIS ram jIQonglaHbe', muvemmoHmo' mIlloghmey
mIgh. 'ach muraD vay' 'ej muchvam mubejqa'moH. Sov 'Iv ? chaq
tlhuptaHghach vIQoylaH.. reH taHbogh tlhuptaHghach 'ej mumaw'moH..
loghDaq jachbogh tlhuptaHghach..

ghe''orvo' yItoD'egh.. ghe''orvo' yItoD'egh.. ghe''orvo' yItoD'egh !

DaH ; jIlachlaw' 'e' vIlaj.. 'ach pe'ghel'egh.. *Sern* HeySel
chungwI'Daq nuq lunej ? qa'vam lunej'a' ? pechunbe'.. lojmItmey'a'
poSmoHmeH vumqu'taH chaH. latlhmey qo'meyDaq Devbogh lojmItmey'a'.
tuHarbe''a' ? qatlh 'uy'mey nob qummey ? HeySelmey chu' tu'meH,
'uymey' nob'a' qummey ? HeySelmey chu' SaH qummey 'e' boHar'a' ?
SaHbe' chaH ! chaq bong, ghe''orDaq Devbogh lojmIt'a''e' poSmoHlu'.

toH, peghuH'egh 'ej ghe''orvo' petoD'egh !

qunnoq HoD
DaH DIHIvbe'chugh vaj qo'chajDaq toy'wI''a'pu' DImoj