[Tlhingan-hol] tlham yu'eghmey tu''a' tera'nganpu'?

[Ed Bailey]

tlham yu'egh juvta' LIGO DaHjaj 'e' maqpu'. Einstein nger tobta' LIGO
tejpu'.

naplaw' nochraj. leD 'uD tIH chenmoHmeH 'uD tIH wav. mungDaq ngIg tIH
cheghmoH SIla'mey. ghIq boqqa' tIHmey. yu'egh Damo' 'otlhmey, nISchuqlaH.
yu'egh yorvo' yorDaj vebDaq yu'eghchuq juvlu'. tlhejchu'chugh yu'eghchuq
nIb ghajbogh cha' yu'egh'e', nItebHa' cha' yu'egh HoS ghaj. bID
yu'eghchuqDaq yu'egh cha'DIch nungchugh yu'egh wa'DIch, qIlchuq yu'egh. vaj
pagh HoS ghaj. choHtaHvIS yu'egh joj chuq, choHtaH HoS je. rartaHghachvam
wIDelmeH, boqmeH mI'mey mIw le' wIpoQ. lurgh ghajbogh mI''e' wIboqmoHmeH
mIwvam wIlo'.

'a DoSwIj vIchIl. poH logh je Hap rey Hoch Dojmey. HapvamDaq yu'eghmey
chenmoH yIHbogh Dojmey. yu'eghvamvaD tlham yuegh ponglu'. machqu' HochHom
tlham yu'egh vaj juvlaHbe' vay'. 'a paw'DI' luSpetmey, tlham yu'egh HoS
chenmoH. naDev pawDI' yu'eghmey, mach, 'a juvlaH vay'. tagha' juvlu'pu'.

naplaw' jIjatlhpu'. Qatlhbej. logh reytaHghach juv tej, 'ej machqu' chuqvam
juvbogh. chuqvam mach law' 'otlh yu'eghchuq mach puS. vIHchugh SIla',
De''e' neHbogh tej SanglaH. Doj Einstein nger tobbogh tej. Dojqu'
juvtaHghach SeHlaHchu'bogh tej.


-- 
mIp'av yergho
bu''a'
baHwI'
IKAV chuch 'etlh

My modeling blog:          http://bellerophon-modeler.blogspot.com/
My other modeling blog:  http://bellerophon.blog.com/
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20160211/edc989f4/attachment-0001.html>