[Tlhingan-hol] wa'Hu' Hegh tey'be'wI'.

[Will Martin]

vavwI’ loDnI’ puqbe’ ghaH. javmaH wej ben boghpu’. javmaH ben jIboghpu’.

HoH jat rop. HeghDI’ qaStaHvIS wej Hogh ropvam tu’pu’ Qel. nom vang ropvam. ghupmeH Qu’ Qatlhchu’moH ropvam. ‘oy’chu’. vaj ‘ojchoHchu’mo’, Hegh. 

jav wen tlhoS Hegh lorloDwI' (vavwI’ be’nI’ puqloD). javmaH Soch ben boghpu’. rurchuq ropchaj, ‘ach je’meH jan lo’ lorloDwI’. janvammo’ tlhutlhmeH ghupnISbe’. janvam lo’law’Qo’ tey’be’wI’ qoj tlhIblaw' QelDaj.

tlhoS tey’be’wI’ vISovbe’. jInentaHvIS, cha’logh maghom. loDnalDaj vIqIH, ‘ach not maghomqa’, ‘ej loSmaH cha’ ben nay’pu’.

puqpu’ maHtaHvIS tey’be’wI’’e’ jIH’e' je, rut maSuchchuq, ‘ach reH tam. not maja’chuq.

‘IQchu’ vavwI’ qorDu’. vISaH, ‘ach… wanI’ vIDel:

Sum jor peng, ‘ach DoSDaj jIHbe’. jIrIQbe’, ‘ach muQubmoH ghu’.

pItlh
lojmIt tI'wI'nuv



-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20150924/08361ea7/attachment.html>