[Tlhingan-hol] News from Maltz: paper

[Lieven]

SKI: revealing some new words about paper in klingon. Translation follows.

tlhIngan Hol mu'ghomDaq mu' <nav> tu'lu'. 'oHvaD "paper" neH ponglu', 
'ej Doch'e' 'oSbogh 'oH luSovchu'be' ghojwI'pu'. DaH ja'ta' matlh: <Hap 
rur, ej ghoplIjDaq Da'uchlaHbogh 'ay' 'oS je nav>

navmey law' ghaj paq. wa' nav vIluHDI', vaj ghopwIjDaq <nav> vI'uch.

cha' Dopmey ghaj nav. bIH toghmeH Dop yIjatlhQo'. tenwalmey ghaj paq. 
192 tenwalmey ghaj TKD.

navDaq QIn gherlu'DI', vaj <nav QIn> 'oH, net Sov. nav QIn ngeHlaH vay' 
'ej nav QIn HevlaH vay'. 'oH ngeHlu'meH, nav vaHDaq 'oH lanlu'. mu' chu' 
'oHbe'ba' mu' <vaH>, 'ach DaH <nav vaH> wIjatlhlaH.

nav QIn DaDIlnISchugh vaj navvamvaD <ghogh'ot> ponglu'. vay' Daje'chugh, 
vaj ghogh'ot DaHev. ghogh'otmey law' luHev ghotpu' 'ej bIH lupar HochHom.

-- 
Lieven L. Litaer
aka Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net