[Tlhingan-hol] News from Maltz: Chemistry

[Robyn Stewart]

toH, loDnalwI'vaD mu'tay' chu' vIDelchoHDI' tlhoch vay' 'e' vItu'. rap'a'
julSIp bIQSIp je? pIm'a' Qo'noS jul? 

-----Original Message-----
From: Lieven [mailto:levinius at gmx.de] 
Sent: October 28, 2015 16:54
To: tlhingan-hol at stodi.digitalkingdom.org
Subject: [Tlhingan-hol] News from Maltz: Chemistry

SKI: revealing some new words about chemistry in klingon. Translation
follows.

qepHomDaq mu'mey law' 'angta' matlh.

DaH Hap 'ay'Hommey DIDellaHchu'. jIQIjmeH tlhIngan Hol neH vIlo'. bIyaj 'e'
vItul.

bIQ 'ay'Hom mach Dellu'chugh, vaj 'oHvaD 'o'rIS ponglu'. wej HeySelmey ghaj
bIQ 'o'rIS: cha' bIQSIp HeySel ghaj, wa' yInSIp HeySel ghaj. 'ach 'o'rIS
Dellu'meH <ghaj> jatlhlu'be'. <yugh> 'oH wot'e'. roD HeySelmey 'op yugh
'o'rIS. (mu' ghoQ tu'lu' je: <'uch>). reH cha' HeySelmey yugh yInSIp 'o'rIS.

latlh tamlermey pong matlh:
- julSIp ghovlu'bej.
- meQlu'bogh Sor Hap rur ghav.
- waghqu' qol'om SIrlIy je. roD Qeb chenmoHmeH qol'om lo'lu', bochDI' 
vaj jul rur. baS rur SIrlIy. rut pe'meH taj chenmoHmeH SIrlIy lo'lu'.
- 'etlh chenmoHmeH 'uSqan lo'lu'. (qIDlu'DI' chaq bom ghom noyqu'vaD <'uSqan
be'pu'> ponglaH vay')
- tamler 'ughqu' tu'lu' je: 'oHvaD ngIDvoS ponglu'. rut nInDaq ngIDvoS
tu'lu'.
- baS Doq rur Sorpuq, 'ach yIQDI' vaj chaq SuDchoH Sorpuq.
- SuD 'ej wov no'negh. cha' bIQSIp HeySelmey boqchugh no'negh vaj He'So'qu'.
QImmey non rur.

DaH pemugh. mu'meyvetlh vIparHa'qu'.

poH vIghajchugh, chaq tugh latlh mu'mey vI'ang.

--
Lieven L. Litaer
aka Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net

_______________________________________________
Tlhingan-hol mailing list
Tlhingan-hol at kli.org
http://mail.kli.org/mailman/listinfo/tlhingan-hol