[Tlhingan-hol] #nanoklingmo - wejlogh jIn Pakled

[Bellerophon, modeler]

De'vID: bIlugh. jIHvaD qay'pu' mu' HoSDu'.

<wa' HoS Dep> 'oS <HoSDu' wa'> 'e' vIHechpu'. HoS Deppu' chaHlaw'mo'
HoSDu', <HoSDu' wa'> vIqa'pu' 'ej <HoS Dep> vIghItlhpu'. DaH nap 'ej mISbe'.

QIpba'mo' /Pakled/, vaj DepvaD Doch. /Pakled/vam Dabogh /Pakled/pu''e'
muchpu' <Hov leng: puq poH veb>.
SaHbe' Dep. tugh mej /Pakled/, wej balmey qengtaHvIS.

~'eD

***********
yuQ HopDaq Saqpu' 'op /Pakled/pu'.
Dujchaj jaHmoHmeH Dochmey SamnIS.
vaj Duj mej.
tugh wa' /Pakled/ chevchoHlu'.
qoj bIng retlhDaq yIttaHvIS, bong DIS tu'.
Duj jaHmoHmeH Doch poQlu'chugh 'ej yab bID rav ghajlu', not DISDaq
nejlu'ba'.
'a 'el /Pakled/vam.

tlhoS Hurghchu' DIS qoD, 'a bochwI' legh /Pakled/.
chol.
baS runpI' rur.
lamqu' 'a qo'lom yugh 'e' Qub.
woH.
lam teqmeH tlhay lo'.

pay' wovqu'choH DIS qoD.
runpI'Heyvo' nargh wewtaHbogh 'eng.

HoS Dep ghaHba' 'engvam'e' 'e' Sov /Pakled/, jatlhmo' 'eng: <HoS Dep jIH!>
jatlh Depvam je: <qaStaHvIS bovmey law', wovmoHwI'Daq qama' jIH.
                         bIghHa'wIjvo' chomejmoHmo', wejlogh bIjIn vaj 'e'
vIchaw'nIS.>

jatlh /Pakled/: <'orghengan SoH'a'?>

jatlh Dep: <choghelmeH neH naDev SoH'a'?
                     vay' DajInbogh qanobmeH naDev jIH!>

tagha' yajchoH /Pakled/, vaj jatlh: <jI'ojchoH. tIr HIq vIneH.>

jatlh Dep: <bIjInmeH, chojatlhnIS: <vIjIn>.
                    'a qaqeS 'e' yIchaw'.
                    chaballIj DawIvpa', yIyep.
                    bIQubnISchu'.>

qaStaHvIS 'op tup, pe'vIl Qub /Pakled/.
tagha' jatlh: <reH buy'bogh tIr HIq bal vIghaj 'e' vIjIn.>

DIS ravDaq nargh bal buy'.
balDaq SIq /Pakled/ 'ej jatlh: <chay' DaqaSmoHpu'?>

jatlh Dep: <HIq yIwaH!>

HIvje'Daj qengbogh lel /Pakled/.
balvo' HIvje'Daq HIq qang.
tlhutlh.
'ey HIq.
SIbI' buy'qa' bal.
jatlh /Pakled/: <chaq chongor 'e' vIpIHpu'.
                     'a jIval!
                     vaj qatobpu'.
                     qavaqlaH DaH 'e' vISovbej.>

jatlh Dep: <toH. cha'logh bIjInnISqa'. bIjInrupqa''a'?>

jatlh /Pakled/: <HIja'! vIneHbogh DaH 'e' vISovbej.
                    balvam rurchu'bogh latlh bal'e' vIghaj, cha'logh 'e'
vIjIn!>


-- 
My modeling blog:          http://bellerophon-modeler.blogspot.com/
My other modeling blog:  http://bellerophon.blog.com/
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20151125/4db34477/attachment.html>