[Tlhingan-hol] NaNoKlingMo: jIlwI'

[De'vID]

André Müller:
> DaHjaj juH vIcheghDI', cheghpu' jIl 'e' vIlegh. qaStaHvIS cha' jar
> 'amerI'qa' SepjIjQa'Daq ratlh. Do'Ha' DaH cheghpu'. be' chuSqu' ghaH 'ej reH
> pe'vIl yIt, pe'vIl Dochmey Dut, pe'vIl lojmIt SoQmoH. ram pe'vIl ja'chuqmeH
> Skype lo'. 'amerI'qa' jupwI'pu'vaD loDnal DeqvaD joq jatlhmo', qaSpu'DI'
> ramjep jatlh. jIQong vIneHtaHvIS pe'vIl jatlh jIlwI'. 'a pIw 'oH Seng'a''e':
> pa'DajDaq tlhIch pur be'vetlh. lang tlhoy'mey, 'ej pa'wIj 'ellaw' tlhIchDaj.
> tlhIch vImuSqu' jay'! pa'meyvamDaq tlhIch purlu' net chaw''a'?

vengmajDaq qach qoDDaq tlhIch purlu' net chaw', chaw'chugh qach
ghajwI'. toH, chaq qach ghajwI' Daja'laH. chaq chaw'be' ghaH 'ej
tlhIch pur jIllI' 'e' Sovbe' neH. chaw'be' HochHom qach ghajwI'pu' 'e'
vIpIH.

(Sovbe'wI'vaD: veng rapDaq wIDab André jIH je.)

André Müller:
> vISovbe'...
> qoDDaq tlhIch purbe'choHmeH ghaH vItlhobchugh, mevQo'bej. potlh 'oH tlhab'e'
> jatlhbej. ghuy'cha'!


tlhabDaj vuS chut. vuS je nugh. woghbej.

[I almost never get to use the verb {wogh}, but that's entirely
appropriate here.]

-- 
De'vID